රාත්රී 10 න් පසු ඇඳිරි නීතිය ප්රකාශයට පත්කිරීමේ ප්රතිපලයක් ලෙස වෙරළ සාද හෙවත් බීච් පාර්ටීස් නතර වන බව නව සෞඛ්ය අමාත්ය කෙහෙළිය රඹුක්වැල්ල මහතා පවසනවා.
ඒ මහතා සදහන් කරන්නේ රටක් ලෙස ආර්ථිකයද පවත්වාගෙන යමින් ගත හැකි අවසාන ක්රියාමාර්ග රාත්රි 10 සිට අළුයම 4 දක්වා ඇඳිරිනීතිය ප්රකාශයට පත්කිරීම පමණක් බවයි.
පවත්නා තත්ත්වය මත කුමන හෝ ප්රභේදයක් රටට පැමිණීමට ඉඩ ඇති බවත් එවැනි ප්රභේද නොඒවි යැයි තමන් ප්රාර්ථනා කරමින් සිටින බවත් අමාත්යවරයා ඊයේ (17) පැවති ප්රවෘත්ති සාකච්ඡාවකදී සදහන් කළා.
රට වසාදමන්නයැයි මත පල කරද මීට පෙරද රට වසා දමා යළි විවෘත කළ පසු යළිත් කොවිඩ් 19 වෛරසය ව්යාප්ත වූ බව කෙහෙළිය රඹුක්වැල්ල මහතා පෙන්වා දෙනවා.
රට වසා දමා තිබියදී රජයේ සේවකයන් හට මාසික වැටුප ලැබුණද ස්වයං රැකියා කරන හා කුලී වැඩ කරන පුද්ගලයින්ට ඇතිවන තත්ත්වය පිළිබදව කිසිදු පුද්ගලයෙකු අවධානය යොමු නොකරන බවද අමාත්යවරයා මෙහිදී සදහන් කළා.