29 C
Colombo
Tuesday, October 4, 2022

දහම් සිරිසේනට නිදහස් පක්ෂයේ සභාපති තනතුරක්

- Advertisement -

හිටපු ජනාධිපති මෛත්‍රිපාල සිරිසේන මහතාගේ පුත් දහම් සිරිසේන මහතාට ශ්‍රී ලංකා නිදහස් පක්ෂයේ පොළොන්නරුව ආසනයේ තරුණ බල මණ්ඩලයේ සභාපති තනතුර ලබාදී තිබෙනවා.

එම ධූරය සඳහා දහම් සිරිසේන මහතා භාරදුන් නාමයෝජනාව පක්ෂ සභාපති මෛත්‍රිපාල සිරිසේන මහතා විසින් අනුමැතිය ලබාදී ඇති බවයි වාර්තා වන්නේ.

දහම් සිරිසේන මහතා ශ්‍රී ලංකා නිදහස් පක්ෂයේ රැස්වීම්වලට මෙන්ම පක්ෂය තුළ ක්‍රියාකාරීව කටයුතු කළද ඔහුට එම පක්ෂයේ තනතුරක් ලද ප්‍රථම අවස්ථාව මෙයයි.

ශ්‍රී ලංකා නිදහස් පක්ෂයේ මින්නේරිය ආසනයේ තරුණ පෙරමුණ හා කාන්තා පෙරමුණ පිහිටුවීම සදහා වූ රැස්වීමටද දහම් සිරිසේන මහතා පසුගියදා එක්ව සිටියා.

මෛත්‍රිපාල සිරිසේන මහතා ජනාධිපති ධූරය දැරූ සමයේ 2018 වසරේ පැවති එක්සත් ජාතීන්ගේ සැසිවාරයකට සහභාගීවීම සඳහා දහම් සිරිසේන මහතාවද සහභාගී කරවාගෙන තිබුණා.

මෙම ක්‍රියාව එකල සමාජ මාධ්‍ය තුළ දැඩිලෙස විවේචනයට ලක්වුණා.

2013 වසරේ නැගෙනහිර වෙරළේ නිවාඩු නිකේතනයකදී දහම් සිරිසේන මහතා සහ ඔහුගේ මිතුරන් පිරිසක් ජේෂ්ඨ නියෝජ්‍ය පොලිස්පති රවීන්ද්‍ර විද්‍යාලංකාර මහතාගේ පුත් අසේල විද්‍යාලංකාර මහතාට පහර දී තිබුණා.

මෛත්‍රිපාල සිරිසේන මහතා ශ්‍රී ලංකා නිදහස් පක්ෂයේ මහලේකම්වරයාව සිටි එකල ජනාධිපති මහින්ද රාජපක්ෂ මහතාගේ ජනාධිපති මාධ්‍ය ඒකකය විසින් එම සිදුවීමට විශාල ප්‍රචාරයක්ද ලබාදුන්නා.

අනතුරුව යහපාලන රජය බලයට පත්වී දින කීපයක් ගතවීමෙන් අනතුරුව දහම් සිරිසේන මහතා රාත්‍රී සමාජ ශාලාවකට ඇතුළුවී එහි ගැටුම්කාරී තත්ත්වයක් ඇතිකිරීමේ සිදුවීමකින් පසුව ඊට උරණ වූ එකළ ජනපති මෛත්‍රිපාල සිරිසේන මහතා දහම් සිරිසේන මහතාට තරවටු කොට වැඩි දුර අධ්‍යාපනයට යැයි පවසා ඔහුව එංගලන්තයට පිටත් කර යැවුණා.

පසුව 2016 වසරේ ඔක්තෝම්බර් මස 08 වනදා අළුයම දෙකට පමණ කොළඹ ටවුන්හෝල් හි යුනයිටඩ් මෝටර්ස් උඩු මහලේ පිහිටි ‘Clique’ රාත්‍රී සමාජ ශාලාවට ඇතුළු වීමට තැත් කළ එකළ ජනාධිපති පුත් දහම් සිරිසේන මහතා සහ ප්‍රභූ ආරක්ෂක නිලධාරීන් (PSD) පිරිසක් ඔවුන්ට එම ස්ථානයට ඇතුල්වීමට නොදීම සම්බන්ධයෙන් ඇතිවූ බහින් බස් වීමකදී එහි ආරක්ෂකයින්ට පහර දී රාත්‍රී සමාජශාලාවට බරපතල හානි සිදුකර තිබුණා.

එකළ මාධ්‍ය වාර්තා කළේ දහම් සිරිසේන මහතාට සහ තවත් පුද්ගලයන් කීප දෙනෙකුට ඇරෙන්නට අන් අයට ස්ථානයට ඇතුල්වීමට ඉඩ දිය නොහැකි බව සමාජ ශාලාවේ ආරක්ෂකයන් පැවසූ විට බහින්බස්වීමක් ඇතිවූ බවයි.

මෙම ගැටුමෙන් ජීවන් ප්‍රේමදාස නැමැති අයෙකු තුවාල ලබා කොළඹ ජාතික රෝහලේ හදිසි අනතුරු අංශයේ ප්‍රතිකාර සඳහා යොමුකර සිටි අතර ඔහුව හමුවීමට නොහැකි වන ආකාරයට ආරක්ෂක අංශය රදවා සිටි බවටද තොරතුරු වාර්තා වුණා.

RECENT ARTICLES - SINHALA

කෝප් කමිටුවෙන් හර්ෂ ඉල්ලා අස්වෙයි

තමන් කෝප් කමිටුවෙන් ඉල්ලා අස්වන බවට සමගි ජනබලවේගය පක්ෂයේ පාර්ලිමේන්තු මන්ත්‍රී හර්ෂ ද සිල්වා මහතා පවසනවා. ට්විටර් පණිවුඩයක් නිකුත්...

Breaking: සුදේව හෙට්ටිආරච්චි ස්වර්ණවාහිනියෙන් ඉල්ලා අස්වෙයි

0
ස්වර්ණවාහිනී නාලිකාවේ විධායක අධ්‍යක්ෂ්‍යවරයා ලෙස කටයුතු කළ සුදේව හෙට්ටිආරච්චි මහතා එම තනතුරින් ඉල්ලා අස්වී තිබෙනවා. ඒ අනුව සිය ඉල්ලා...

අත්‍යාවශ්‍ය සේවා නම් කරමින් රනිල්ගෙන් තවත් ගැසට්ටුවක්

සාමාන්‍ය ජන ජීවිතය පවත්වාගෙන යාම සඳහා අත්‍යවශ්‍ය වන බවට හඳුනාගත් සේවාවන් කිහිපයක් හඳුනාගනිමින් ඒවා සඳහා අතිවිශේෂ ගැසට්ටුවක් නිකුත් වී තිබෙනවා.

RECENT ARTICLES - ENGLISH

Tom Moody and Sri Lanka Cricket to part ways

0
Former Sri Lankan Head Coach Tom Moody, who joined Sri Lanka Cricket once again last year as the director of cricket for...

Temples to switch off lights on Poya Day to protest tariff hike?

0
A proposal has been presented to the Central Province Maha Sangha Sabha to turn off the lights within all temples across the...

Horrific details about captivity of 7 Sri Lankans by Russian soldiers revealed

0
A Ukrainian journalist and the Kharkiv region’s police have disclosed appalling details about the torture the seven Sri Lankans endured while they...