මාතලේ නගරාධිපතිවරයා ලෙස කටයුතු කළ ඩල්ජිත් අලුවිහාරේ මහතා එම ධූරයෙන් ඉවත් කිරීමට මධ්‍යම පළාත් ආණ්ඩුකාර ලලිත් යූ ගමගේ මහතා පියවර ගෙන තිබෙනවා.
ඊට අදාල විශේෂ ගැසට් නිවේදනය ඊයේ (02) නිකුත්කර ඇත.
නගරාධිපතිවරයාට එරෙහිව ඉදිරිපත් වූ පැමිණිලි හා චෝදනා ගණනාවක් සැලකිල්ලට ගනිමින් සංශෝධිත මහ නගර සභා ආඥා පනත යටතේ ඔහු වැරදි සිදුකර ඇද්ද යන්න පිළිබඳ මාස තුනක කාලසීමාවක් තුළ පරීක්ෂා කර වාර්තාවක් ඉදිරිපත් කිරිම සඳහා කොමිෂන් සභාවක් පත් කිරීමට මීට පෙර ආණ්ඩුකාරවරයා පියවර ගෙන තිබුණා.
ඒ සම්බන්ද විමර්ශනයක් සිදුකිරීම සඳහා විශ්‍රාමලත් විනිසුරුවරියක වන කුසලා සරෝජනී වීරවර්ධන මහත්මිය පත් කෙරුණු අතර එම විමර්ශන වාර්තාව පසුගිය 24 දා ඇය විසින් මධ්‍යම පළාත් ආණ්ඩුකාර නීතීඥ ලලිත් යු. ගමගේ මහතා වෙත භාරදෙනු ලැබුවා.
අදාළ වාර්තාවේ ඇතුළත් කරුණු මත පදනම්ව මාතලේ මහනගර සභාවේ නගරාධිපතිවරයා සිය ධූරයේ කාර්යයන් හා කර්තව්‍යයන් ඉටු කිරීමේදී මහනගර සභා ආඥාපනත අනුව වැරදි සිදුකර ඇති බවට සාක්ෂි පවතින බැවින් මහනගර සභා ආඥා පනත යටතේ පළාත් ආණ්ඩුකාරවරයාට පැවරී ඇති බලතල අනුව මාතලේ මහ නගර සභාවේ නගරාධිපති ඩල්ජිත් අළුවිහාරේ මහතාව ආණ්ඩුකාරවරයා විසින් ධූරයෙන් ඉවත් කිරීමට කටයුතු කර තිබෙනවා.
ආදාළ විමර්ශනය ආරම්භ කරමින් නගරාධිපතිවරයාව පසුගිය අගොස්තු මස ධූරයෙන් තාවතාලිකව ඉවත් කරනු ලැබූ අතර ආණ්ඩුකාරවරයා විසින් නගරාධිපතිවරයාගේ කාර්යන් ඉටු කිරීම සඳහා නියෝජ්‍ය නගරාධිපති සන්දනම් ප්‍රකාශ් මහතා ගැසට් නිවේදනයෙන් මගින් පත්කළා
- ඇමති බන්දුලට හූ කියා ගිය පුද්ගලයෙක් පොලිස් අත්අඩංගුවට
- ලැබෙන ආධාරවලින් හෝ රාජ්‍ය සේවක වැටුප් ගෙවනවා – අගමැති
- බැසිල් හදිසියේම ජනපති හමුවෙයි
- රාජ්‍ය සේවක වැටුප් සහ දීමනා ගෙවන දවස ගැන මුදල් රාජ්‍ය ඇමතිගෙන් විශේෂ ප්‍රකාශයක්
- ඛනිජ තෙල් නීතිගත සංස්ථාව පෞද්ගලීකරණයට එරෙහිව විශේෂ සාකච්ඡාවක්
