ජනාධිපතිවරයාගේ නව කැබිනට් මණ්ඩලයේ අමාත්ය ධූරයක් භාර නොගන්නා බව හිටපු අමාත්ය ඩලස් අලහප්පෙරුම මහතා පවසනවා.
සිය ට්ව්ටර් ගිණුමේ සටහනක් තබමින් ඩලස් අලහප්පෙරුම මන්ත්රීවරයා පෙන්වාදෙන්නේ තරුණ අමාත්ය මණ්ඩලයක් කඩිනමින් පත්වනු ඇතැයි තමා අපේක්ෂා කරන බවයි.
මේ අතර ලංකා කම්කරු කොංග්රසය ද කැබිනට් අමාත්ය ධුර භාර නොගන්නා බව එම පක්ෂයේ මහ ලේකම් ජීවන් තොණ්ඩමන් මහතා පවසනවා.
සිය ට්විටර් ගිණුමේ සටහනක් තබමින් මන්ත්රීවරයා පෙන්වාදෙන්නේ රටේ පවතින අර්බුදකාරී තත්ත්වයට විසඳුම් ලැබෙන තුරු රජයේ කිසිදු තනතුරක් භාර නොගැනීමට සිය පක්ෂය තීරණය කර ඇති බවයි.
මේ අතර, නව අමාත්ය මණ්ඩලයේ කිසිදු තනතුරක් නොගැනීමට තමා තීරණය කළ බව හිටපු මහජන ආරක්ෂක අමාත්ය රියර් අද්මිරාල් සරත් වීරසේකර මහතා ද පවසනවා.
නව අමාත්ය මණ්ඩලය අද (17) හෝ හෙට (18) දිවුරුම් දෙනු ඇති බවට දේශපාලන ආරංචි මාර්ග සඳහන් කරනවා.