32 C
Colombo
Friday, March 29, 2024

දඹුල්ල නගරාධිපති කොවිඩ් ආසාදිතයෙකුගේ නිවසක සිට Photoshoot එකක් කරලා

- Advertisement -

දැඩි කොවිඩ් අවධානමක් පවතින අවස්ථාවක දඹුල්ල මහනගර සභාවේ නගරාධිපති ජාලිය ඕපාත මහතා විසින් සිදුකල අපූරු ඡායාරූප දැක්මක් පිළිබදව තොරතුරු වාර්තා වනවා.

ඒ අනුව පසුගියදා දඹුල්ල – තිත්තවැල්ගොල්ල ප්‍රදේශයෙන් හමුවූ කොවිඩ් ආසාදිතව නිරෝධායනයට ලක්කර සිටින පුද්ගලයෙකුගේ නිවසට ඔහුගේ දුක සැප බැලීමට යැයි පවසමින් නගරාධිපතිවරයා ගොස් තිබෙනවා.

එම අවස්ථාවට කිසිදු මහජන සෞඛ්‍ය පරීක්ෂකවරයෙකු, නගර සභාවේ වෛද්‍යවරයෙකු සම්බන්ධ කර නොගෙන නගරාධිපතිවරයා අදාළ නිවසට ගොස් තිබීම විශේෂත්වයක්.

නගරාධිපති ජාලිය ඕපාත මහතා, නගර සභාවේ සේවකයන් කිහිපදෙනෙකු හා කැමරාකරුවන් සහභාගී කරගනිමින් මෙම නිවස ඉදිරිපිට සිට ආරක්ෂිත ඇදුම් කට්ටලය අදින අවස්ථාව, සපත්තු විෂබීජහරණය කරන අවස්ථාව, පිරිස සමඟ ගමන් කරන අවස්ථාව යනාදී වශයෙන් විවිධාකාරයෙන් ඡායාරූප රැගෙන තිබෙනවා.

අනතුරුව නිරෝධායනයට ලක්කර තිබෙන නිවසටද ගොස් එහි සිටින පුද්ගලයින් සමගින් කතා බහ කරමින් විවිධ කොණයන්ගෙන් ඡායාරූප රැගෙන ඔහුගේ සමාජ මාධ්‍ය ඔස්සේ පලකිරීමට කටයුතු කර තිබුණා.

මෙහි හාස්‍යජනකම දෙය නම් නගරාධිපතිවරයා පිරිවරාගෙන යන පුද්ගලයින් කිසිවෙකුටත් මුව ආවරණය හැරෙන්නට කිසිදු සෞඛ්‍යාරක්ෂිත ඇදුමක් නොමැතිවීමයි.

දඹුල්ල නගර සභා බල ප්‍රදේශයෙ වසම් 13න් පමණක් රොගින් 454ක් මේවන විට සොයා ගෙන ඇති අතර අප්‍රේල් 22න් පසු දඹුල්ල නගර සභා බල ප්‍රදේශයේන් නිල වාර්තා අනුව රොගින් 308 දෙනෙකු සොයාගෙන ඇති අතර මරණ තුනක් සිදු වි ඇත

දඹුල්ල නගර සභා බල ප්‍රදේශයෙ වසම් 13 න් පමණක් කොවිඩ් ආසාදිත රොගින් 454 ක් මේවන විට සොයා ගෙන තිබෙනවා.

අප්‍රේල් 22 න් පසු දඹුල්ල නගර සභා බල ප්‍රදේශයේ නිල වාර්තා අනුව රොගින් 308 දෙනෙකු සොයාගෙන ඇති අතර මරණ තුනක් සිදු වි ඇති බවයි වාර්තා වන්නේ.

කොවිඩ් පළමු රැල්ල පැවති අවස්ථාවේදී එහි අවධානමද නොතකා දඹුල්ල නගරාධිපති ජාලිය ඕපාත මහතා පාපැදි සවාරියක් සංවිධානය කිරීම හා ඊට සහභාගිවීම සම්බන්ධයෙන් දඹුල්ල පොලීසිය මගින් අත්අඩංගුවට ගෙන අධිකරණයට ඉදිරිපත් කිරීමෙන් අනතුරුව දැඩිව අවවාද කර මුදාහැරුණා.

මීට අමතරව දඹුල්ල – කණ්ඩලම රක්ෂිතයේ අනවසරයෙන් බොරලූ කැපීමේ චෝදනාව මත නගරාධිපතිවරයා අත්අඩංගුවට ගෙන අධිකරණයට ඉදිරිපත් කිරීමෙන් පසුව කලක් රක්ෂිත බන්ධනාගාරගත කර සිටියා.

RECENT ARTICLES - SINHALA

Breaking: ඥාණසාර හිමි බන්ධනාගාර රෝහලට

0
ජාතික හා ආගමික සංහිඳියාවට හානි සිදු වන ආකාරයෙන්, ඉස්ලාම් දහමට අපහාසාත්මක වන ප්‍රකාශයක් කිරීමේ චෝදනාවක් සම්බන්ධයෙන් වරදකරුවී 4ක බරපතළ වැඩසහිත සිරදඬුවම් ලැබූ ගලබොඩ අත්තේ...

ශ්‍රී පාද වන්දනාවේ ගිය විදේශිකයෙක් ප්‍රපාතයකට වැටිලා

රත්නපුර - ශ්‍රී පාද මාර්ගයේ ඇහැලකණුව ප්‍රදේශයේදී ආරක්ෂිත වැටෙන් මිටර් 100ක පමණ ප්‍රපාතයට විදෙස් ජාතිකයෙක් ඇද වැටී තිබෙනවා. ඉන්දීය ජාතිකයෙකු වූ අදාළ විදේශිකයා පසුව...

අනුරාධපුර බන්ධනාගාරයේ සිරකරුවන් දෙන්නෙක් පැනල ගිහින්

අනුරාධපුර බන්ධනාගාරයේ එළිමහන් සිරකඳවුරෙහි මහජනතාවට විවෘත කර ඇති ආපනශාලාවේ සේවය කළ සිරකරුවන් දෙදෙනෙකු අද (29) දහවල් එම ස්ථානයෙන් පළා ගොස් තිබෙනවා. බන්ධනාගාර ආරංචි මාර්ග පවසන්නේ...

POPULAR ARTICLES

කංචන පොහොට්ටු රැස්විමේ යකා නටලා

ශ්‍රී ලංකා පොදු ජන පෙරමුණේ විධායක සභා රැස්වීමේදී අමාත්‍ය කංචන විජේසේකර මහතා සහ හිටපු ජනාධිපති ගෝඨාභය රාජපක්ෂ මහතාගේ උපදේශකයෙකු වූ එරන්ද ගිනිගේ මහතා අතර...

අද ඩොලරය

ශ්‍රී ලංකා මහ බැංකුව විසින් අද (26) දින නිකුත් කරන ලද දෛනික විනිමය අනුපාතික සටහනට අනුව එක්සත් ජනපද ඩොලරයක ගැනුම් මිල රු. 297.63ක් ලෙස...

කෙහෙළියට අධිකරණය දුන් නියෝගය

ව්‍යාජ එන්නත් සිද්ධියට අත්අඩංගුවට ගෙන රක්ෂිත බන්ධනාගාර ගත කර සිටින හිටපු අමාත්‍ය කෙහෙළිය රඹුක්වැල්ල මහතා ඇතුළු සැකකරුවන් 9 දෙනා අප්‍රේල් මස 08 වනදා දක්වා...