31 C
Colombo
Sunday, May 22, 2022

සිසිර ජයකොඩිගේ ධම්මික පැණියට අනුරාධපුරයේදී කාලි වැහෙයි

- Advertisement -

කොවිඩ් 19 වෛරසය සම්පූර්ණයෙන් සුවකල හැකි බවට පැවසෙන කෑගල්ලේ ධම්මික බණ්ඩාර නැමැත්තෙකු සොයා ගත් පැණියක් පිළිබදව පසුගිය සති කිහිපය පුරා දැඩි කතා බහට ලක් වුණා.
මෙම පැණියට රාජ්‍ය අනුග්‍රහයද ලැබුණු අතර දේශීය වෙදකම් ප්‍රවර්ධන, ග්‍රාමීය හා ආයුර්වේද රෝහල් සංවර්ධන හා ප්‍රජා සෞඛ්‍ය රාජ්‍ය අමාත්‍ය සිසිර ජයකොඩි මහතාද එය ප්‍රවර්ධනය කිරීමට මහත් වෙහෙසක් ගත්තා.
මෙම පැණිය සෞඛ්‍ය අමාත්‍ය පවිත්‍රා වන්නිආරච්චි මහත්මියටත් පෙවීමට කටයුතු කළ අතර පසුව එය නොමිලයේ බෙදාහැරීමට කටයුතු කිරීමේදී දැඩි ලෙස සෞඛ්‍ය මාර්ගෝපදේශ කඩවීම හේතුවෙන් කෑගල්ල දිස්ත්‍රික් ලේකම්වරයාගේ මැදිහත්වී එම කටයුත්ත නවතා දැමුවා.
මේ අතර ධම්මික බණ්ඩාරගේ මෙම පැණිය අද ජයශ්‍රී මහා බෝධියට පූජා කිරීම සඳහා ඔහු ඇතුළු භික්ෂූන්වහන්සේලා පිරිසක් අද අනුරාධපුරයට පැමිණියා.
මෙම භික්ෂූන්වහන්සේලා අතර තමන් බුදු වූ බව පවසමින් පූසාරියෙකු ලවා කහ නහවාගෙන පසුව තමන් කළ අමනෝඥ ක්‍රියාව පිළීබදව මහනාහිමිවරුන්ගෙන් සමාව ගත් බොරැල්ලේ සිරිසුමන නම් භික්ෂුවද සිටිනු දක්නට ලැබුණා.
මෙම පැණිය අටමස්ථානාධිපති ආචාර්ය අති පූජ්‍ය පල්ලේගම ධම්මරක්ඛිත සිරිනිවාස හිමියන් වෙත පූජා කළා.
අනතුරුව ඔහු එම පැණිය ශ්‍රී මහා බෝධියට පූජා කිරීමට උත්සහ කළද ඒ සදහා අවසර ලැබී නැති අතර එය පහළ මළුවට පමණක් පූජා කිරීමට අවස්ථාව ලබාදී තිබෙනවා.
පසුව ඔහු නැවතත් අටමස්ථානාධිපති අති පූජ්‍ය පල්ලේගම ධම්මරක්ඛිත සිරිනිවාස නාහිමියන් බැහැ දැක එම ස්ථානයේදී ආරූඪ වූ ආකාරයෙන් නාහිමියන් හට බැණවැදී තිබෙනවා.
ඔහු පවසා ඇත්තේ තමන් කාලි බවත් උන්වහන්සේගේත් ‘අම්මා’ තමන් බවයි.

ධම්මික බණ්ඩාර යනු කෑගල්ල – මාතුර – හෙට්ටිමුල්ල ප්‍රදේශයේ ඉපිද මේ වන විට උඩුවාගම – අඹවල ප්‍රදේශයේ පදිංචිකරුවෙකි.
ඔහුගේ සැබෑ නම වනුයේ අප්පුකුට්ටි කංකානම්ලාගේ ධනපාලයි.
ඔහු කලක් රූකඩ නටවමින්, ඩොල්කි ගසමින් සහ වඩුවැඩ කරමින් සිට ඇති අතර එක්වරම කාලි මෑණියන්ගේ වරමක් ලැබුණු බව පවසමින් දේවාලයක් ඉදිකර ඇත.
එහි නම වන්නේ ශ්‍රී වීර මහා භද්‍රකාලී දේවාලයයි.
ඔහු හිටපු අමාත්‍ය අතාවුද සෙනෙවිරත්න මහතාගේ සමීපතමයෙක්ද වනවා.
ඔහුගේ පැණිය සෞඛ්‍ය අමාත්‍යාංශය දක්වා ගෙන ඒමටත් සිසිර ජයකොඩි මහතා වැනි උගත් නීතිඥයෙකුට එය පොවා රට නොමග යැවීමටත් එම දේශපාලන හිතවත්කම් භාවිතා කර තිබෙනවා.
ධම්මික බණ්ඩාර ලෙස පෙනී සිටින මෙම පුද්ගලයා බටහිර හෝ ආයුර්වේද වෛද්‍ය සභාවක ලියාපදිංචිව ඇද්ද, එසේ ලියාපදිංචිව ඇත්නම් ඒ කවර කාණ්ඩයක් යටතේද, ඔහුගේ ලියාපදිංචි අංකය කුමක්ද යන්න සදහන් කරමින් ආයුර්වේද සභාවට පැමිණිල්ලක්ද ලැබී තිබෙනවා.

————————- ධම්මික නැමැත්තා 2006 වසරේදී ———————————————–ධම්මික නැමැත්තා 2020 වසරේදී ——————

RECENT ARTICLES - SINHALA

මම කවදාවත් ජනාධිපතිතුමාව නාවලා නැහැ – ඥාණක්කා

0
තමන් ජනාධිපති ගෝඨාභය රාජපක්ෂ මහතාව කිසිදු දිනෙක නහවා නොමැති බව අනුරාධපුරයේ සුප්‍රසිද්ධ චරිතයක් වන ඥාණක්කා පවසනවා. ඒ සන්ඩේ ටයිම්ස්...

අරුන්දික කිසිදා ගුවන් නියමුවෙක් ලෙස සේවය කර නැහැ – ගුවන් නියමුවන්ගේ සංසදය

ශ්‍රී ලංකා පොදුජන පෙරමුණේ පාර්ලිමේන්තු මන්ත්‍රී අරුන්දික ප්‍රනාන්දු මහතා ශ්‍රී ලංකන් ගුවන් සමාගමේ ගුවන් නියමුවෙකු ලෙස සේවය කර නොමැති බව ශ්‍රී ලංකා...

පාදෙණිය දොට්ට, නිතරගෙන්ම නව සභාපතිවරයෙක්

රජයේ වෛද්‍ය නිලධාරීන්ගේ සංගමයේ සභාපති අනුරුද්ධ පාදෙණිය මහතා එම ධූරයෙන් ඉල්ලා අස්වී තිබෙනවා. ඒ එම සංගමයේ සාමාජිකයන්ගේ දැඩි බලපෑම...

RECENT ARTICLES - ENGLISH

Senior DIG Deshabandu Tennakoon assaulted

0
Senior DIG in charge of the Western Province Deshabandu Tennakoon was assaulted by a group on Tuesday (10) afternoon.

President declares State of Emergency

0
President Gotabaya Rajapaksa has declared a state of emergency with effect from midnight today, President’s Media Division informed. The...

Yoshitha to Sue AKD

0
Yoshitha Rajapaksa, the Chief of Prime Minister's Staff said that he would file law suit against the claims made by JVP Leader...