30 C
Colombo
Tuesday, October 4, 2022

දත්ත ආරක්ෂාවට පනත ලෑස්තියි

- Advertisement -

පෞද්ගලික දත්ත ආරක්ෂාව පිළිබඳ පනත් කෙටුම්පත මේ වන විට අවසන් අදියරේ පවතින බව අයිසීටී ආයතනය ඩේලි ෆයිනෑන්ෂල් ටයිම්ස් පුවත්පත වෙත කියා තිබෙනවා.

පෞද්ගලික දත්ත ආරක්ෂා කිරීම සඳහා ලෝකයේ රටවල් ගණනාවක් පනත් සම්මත කරගත්තත්, ලංකාවේ තවමත් එවැනි පනතක් සම්මත වී නැහැ. තාක්ෂණය දියුණු මෙම සමයේ එම පනත අතිශය වැදගත් පනතක් බව විද්වතුන් අතර සාකච්ඡාවට ලක් වී තිබෙනවා.

මේ වන විට අයිසීටීඒ ආයතනයේ සභාපති ජයන්ත ද සිල්වා සිය ප්‍රමුඛ අවධානයක් එම පනත ඉදිරිපත් කිරීම සඳහා යොමු කර ඇති බව වාර්තා වෙනවා. මෙම පනත පෙර ආණ්ඩුව සමයේ සිට සම්මත කරගැනීමට බලාපොරොත්තු වූ පනතක්.

ලෝකයේ වෙනත් රටවල්වල පවතින එවැනි පනත් අනුව වෙනත් පාර්ශ්වයන්ට පෞද්ගලික දත්ත ලෙස සලකන යම් පුද්ගලයෙකුගේ ඡායාරූප, හඬපටි හෝ වෙනත් පෞද්ගලික තොරතුරු සොරාගැනීම, අනවසරයෙන් එකතු කිරීම හෝ අනවසරයෙන් ප්‍රසිද්ධ කිරීම නීතියෙන් වරදක් වෙනවා. අනුන්ගේ දූරකථන ඇමතුම්වලට හොරෙන් සවන් දීම, පුද්ගලයන් යන එන තැන් පිළිබඳ අනවසරයෙන් නිරීක්ෂණය කිරීම, පරිගණක හැක් කිරීම ආදී නොයෙක් ක්‍රියාවලට එම පනතෙන් ආවරණය සපයනු ඇතැයි බලාපොරොත්තු වෙනවා.

මේ වන විට රජය මෙන්ම පෞද්ගලික අංශයේ ආයතනද රටේ පුරවැසියන්ගේ පෞද්ගලික දත්ත අයිතියට හානියක් වන අන්දමේ පියවර ගත් අවස්ථා පිළිබඳ වාර්තා වෙනවා.

උදාහරණයක් ලෙස රජය මේ වන විට කොවිඩ්-19 රෝගීන් හඳුනාගැනීම සඳහා විශේෂ පරිගණක ඇප් එකක් හඳුන්වාදීමෙන් රටේ පුද්ගලයන් යන එන තැන් සහ මුණගැසුණු පුද්ගලයන් පිළිබඳ දත්ත එකතු කරන බව වාර්තා වෙනවා. ඊට අමතරව ඩ්‍රෝන් කැමරා හමුදාවෙන් සාමාන්‍ය පුද්ගලයන් වීඩියෝගත කිරීම් පිළිබඳත් වාර්තා වෙනවා.

RECENT ARTICLES - SINHALA

කෝප් කමිටුවෙන් හර්ෂ ඉල්ලා අස්වෙයි

තමන් කෝප් කමිටුවෙන් ඉල්ලා අස්වන බවට සමගි ජනබලවේගය පක්ෂයේ පාර්ලිමේන්තු මන්ත්‍රී හර්ෂ ද සිල්වා මහතා පවසනවා. ට්විටර් පණිවුඩයක් නිකුත්...

Breaking: සුදේව හෙට්ටිආරච්චි ස්වර්ණවාහිනියෙන් ඉල්ලා අස්වෙයි

0
ස්වර්ණවාහිනී නාලිකාවේ විධායක අධ්‍යක්ෂ්‍යවරයා ලෙස කටයුතු කළ සුදේව හෙට්ටිආරච්චි මහතා එම තනතුරින් ඉල්ලා අස්වී තිබෙනවා. ඒ අනුව සිය ඉල්ලා...

අත්‍යාවශ්‍ය සේවා නම් කරමින් රනිල්ගෙන් තවත් ගැසට්ටුවක්

සාමාන්‍ය ජන ජීවිතය පවත්වාගෙන යාම සඳහා අත්‍යවශ්‍ය වන බවට හඳුනාගත් සේවාවන් කිහිපයක් හඳුනාගනිමින් ඒවා සඳහා අතිවිශේෂ ගැසට්ටුවක් නිකුත් වී තිබෙනවා.

RECENT ARTICLES - ENGLISH

Tom Moody and Sri Lanka Cricket to part ways

0
Former Sri Lankan Head Coach Tom Moody, who joined Sri Lanka Cricket once again last year as the director of cricket for...

Temples to switch off lights on Poya Day to protest tariff hike?

0
A proposal has been presented to the Central Province Maha Sangha Sabha to turn off the lights within all temples across the...

Horrific details about captivity of 7 Sri Lankans by Russian soldiers revealed

0
A Ukrainian journalist and the Kharkiv region’s police have disclosed appalling details about the torture the seven Sri Lankans endured while they...