ගොතටුව IDH ජලාපවහන මණ්ඩලය අසල ජල නලයක් පුපුරා යාමෙන් පාසල් යමින් සිටි පියෙක් සහ දියණියක් අද (19) උදෑසන වතුර වළකට වැටී අනතුරකට ලක්ව තිබෙනවා.
අඩි 16ක් පමණ ගැඹුරු වළකට ඔවුන් වැටී ඇති අතර, මේ වනවිට පියා සහ දියණිය ඉන් ගොඩට පැමිණ ඇති බව වාර්තා වෙනවා.
යතුරුපැදියකින් පාසල් යමින් සිටි පියෙක් සහ දියණියක් එලෙස වළට ඇදවැටී අනතුර සිදුව තිබුණා.
පසුව පියා විසින් දියණිය එම වළෙන් පිටතට ගැනීමට කටයුතු කර ඇති බවද වාර්තා වෙනවා.
සිද්ධියට මුහුණදුන් පියා මෙලෙස පවසා තිබුණා.
“පාර අතන වහලා නෑ. අපි ගියා අඩි 16ක් ඇතුළට. මෙයාව අල්ලගෙන ආවා කොහොම හරි. බයිසිකලය ඇතුළේ. ගැට්ට අල්ල ගත්තා. කට්ටිය ඇවිත් ඇදලා ගත්තා.”
එම ස්ථානයේ රැඳී සිටි ප්‍රදේශවාසීන් මෙසේ අදහස් දක්වා තිබෙනවා.
“තව කීදෙනෙක් ඇතුළේ ඉන්නවා ද දන්නේ නෑ. අන්න ඒකයි ඛේදවාචකය. මේක 6යි ගානට දැක්කේ. එතකොට පාන්දර ගිය අය එතකොට…”
මේ අතර, ජල නලය පුපුරා යාම හේතුවෙන් එම ප්‍රදේශයේ ජල සැපයුම අත්හිටුවා ඇති බවද වාර්තා වෙනවා.
