මහාමාර්ග අමාත්‍ය ජොන්ස්ටන් ප්‍රනාන්දු මහතාගේ දියණිය රිවස්ටන් ප්‍රදේශයේ විනෝද චාරිකාවක් ගොස් සිටින අතරතුර කූඩැල්ලන් සපාකෑම හේතුවෙන් ඊයේ (14) දඹුල්ල මූලික රෝහලට ඇතුළත් කර තිබෙනවා.
කූඩැල්ලන් සපාකෑම හේතුවෙන් ඇතිවූ ආසාත්මිකතාවය නිසා ඇයගේ රුධිර පීඩනය අඩුවී තිබූ බවයි රෝහල් ආරංචි මාර්ග සඳහන් කරන්නේ.
මේ හේතුවෙන් හදිසි ප්‍රතිකාර ඒකකයට ඇතුළත් කර ප්‍රතිකාර කිරීමෙන් අනතුරුව අද (15) උදෑසන ඇය රෝහලෙන් පිටව ගොස් තිබෙනවා.
පවත්නා කොවිඩ් අධිඅවධානම් තත්ත්වය හේතුවෙන් පෙරේදා (13) රාත්‍රි 11 සිට දිවයින පුරාම සංචරණ සීමාවන් පනවනු ලැබූවා.
ඊට අමතරව ඊට පෙර සිටම පළාත් අතර සංචරණ සීමාවන්ද පනවා තිබෙනවා.
