27 C
Colombo
Tuesday, August 9, 2022

රන්ජන්, ඔබ අපට වටිනා කෙනෙක් – දයාන් විතාරණ

- Advertisement -

       

    ජනප්‍රිය සම්මානිත ප්‍රවීණ සිනමා නළුවෙක්, චිත්‍රපට අධ්‍යක්ෂවරයෙක් සහ ගායකයෙක් ලෙසින් ද අප හඳුනන සහෘද කලාකරු රන්ජන් රාමනායක හට ඊයේ දින අධිකරණයට අපහාස කිරීම වෙනුවෙන් චෝදනා ලබා සිව් වසරකට බරපතල වැඩ සහිතව සිර දඬුවම් නියම වීය.

          ඔහු කෙරෙහි ගත් නීති තීරණය පිළිබඳව හෝ දේශපාලනය මුල් කොට ගත් රන්ජන් යන දේශපාලඥයා මදකට පසෙකින් තැබුවත් ඔහු කලාවේ මෙන්ම ජනතාව අතර සැමදා හදවතේම ළැඟුම්ගත් චරිතයක් බව අවිවාදිත ය. මා වසර 26ක පටන් දැන හඳුනන මිතුරෙකු වන රන්ජන් බොහෝ දෙනෙක් තුළ නොපිහිටන මානුෂීය ගුණාංගයන්ගෙන් පොහොසතෙකි.

        ඔහු එකල මගේ “ඔබෙ සුසුම් පවන්” ප්‍රසංගයට පැමිණෙන විට ප්‍රසංගය අවසන්ව තිබූ අතර ඉන්පසුව මගේ සංගත තැටියක් ඔහු මිලට ගෙන, මගේ නිර්මාණ ජීවිතයේ ආරම්භය වෙනුවෙන් ද මට සුබ පතමින් දිරිගැන්වූ අයුරු මතකය. එමෙන්ම ඔහු කලක් විදේශගතව ඉන්නා කාලයේ ද නිතර මගේ දුක සැප සොයා බලන්නට අමතක නොකළ රන්ජන්, එකල මගේ මෑණියන්ගේ ද ආදරය දිනූ චරිතයක් විය.

         මගේ චිත්‍රාගාරයට ඡායාරූප ගැනීම සඳහා පැමිණෙන අන් සියලු වැඩ කටයුතු පසෙකලා සිත නිදහසින් පැමිණෙන ඔහු දිනයක් පමණ ගත කර හෝ විටෙක මටත් ඡායාරූප ගැනීම නැවැත්වීමට සිතෙන තුරුම ඡායාරූප ගන්නේය. එමෙන්ම ඡායාරූප සඳහා ඔහු මහත් ආසාවෙන් සහ ඕනෑකමින් පෙනී සිටින අයෙකි.

          බොහෝ අවස්ථාවල වාණිජ සිනමාවේ රැඳෙමින් ජනාදරයට පත් වූ ඔහු වාර්තාගත ලෙස ජනතා සම්මානයෙන් පවා පිදුම් ලද නළුවෙකි. එමෙන්ම තිස්ස අබේසේකරයන්ගේ “පිටගම්කාරයෝ” වැනි ටෙලිනාට්‍යයක සහ උදයකාන්ත වර්ණසූරියගේ “යකඩ පිහාටු” වැනි චිත්‍රපටයක ඔහු කළ ප්‍රශස්ත රංගනයන් ද අපට අමතක කළ නොහැකිය. කලාකරුවෙක් සහ දේශපලානඥයෙක්ටත් වඩා මිනිසෙක් ලෙස රන්ජන් තුළ වූ යහපත් දේ බොහෝ දෙනෙක් දුටු නමුත් බොහෝ විට පැවසීමට තරම් නිහතමානී නොවූ බව නම් සැබෑවකි.

         ඔහු වෙනුවෙන් ගත් තීරණය පිළිබඳව හෝ ඔහු සිරගත කිරීම පිළිබඳ කිසිත් අදහස් නොදක්වන නමුත් මෙරට මිල කළ නොහැකි මහා වනාන්තර විනාශ කරන මිනිසුන්, මත්ද්‍රව්‍ය සහ මත්කුඩු ගෙන්වමින් හෙට දවසක් සහ තාරුණ්‍යයක් නැති කිරීමට වෙර දරන මිනිසුන් ප්‍රමුඛ වංචනිකයන් සහ දූෂිතයන් සිටිනා රටක රන්ජන් වැනි මිනිසුන්ගේ දුක සැප සොයා බලමින් මිනිසුන්ට සරණක් අවැසි වූ සෑම මොහොතකම උපකාරී වූ චරිතයක් සිරගත කිරීම පිළිබඳව පමණක් මගේ කණගාටුව ප්‍රකාශ කරමි.

      සිතේ එක් දෙයක් රඳවාගෙන කටින් තවත් දෙයක් ප්‍රකාශ කරනු වෙනුවෙන් සැම විටම සත්‍ය සෘජුව පැවසීම ඔහුගේ පුරුද්දක් වූ අතරම රන්ජන් කළ ඇතැම් ප්‍රකාශයන් සහ මතයන් සමග ද අපට වුවද එකඟ විය නොහැකි බව ද දන්නා මුත් ඔහු බහුතරයක් පිරිස් මෙන් සුඛ විහරණය වෙනුවෙන්ම දවස නොගෙවූ ජනතාව වෙනුවෙන් හඬක් නගමින් ක්‍රියා කළ ජනතා සේවකයෙක් වූ බව පමණක් ප්‍රකාශ කරමි.

           මෑතකදී මට සාරංග සහ දිනක්ෂි විවාහ වූ දිනයේ ඔහු හමුවූ විට ගත් ඡායාරූප පෙළක් සමග මෙම සටහන අකුරු කරන්නේ ද ඔහු වෙනුවෙන් යුක්තියක් ඉල්ලීමට හෝ ඔහු සිරගත කිරීම හෙළා දකිමින් රජයට හෝ අධිකරණයට ඉල්ලීම් කිරීමේ අදිටනින් නොවන අතර මෙම සටහන් කීමට අවශ්‍ය එකම දෙය වූයේ මා මෙන්ම කලාවේ වුවද රසික පර්ෂදයේ වුවද බොහෝ දෙනෙක් ඊයේ මෙන්ම අදත්, හෙටත් රන්ජන් වෙනුවෙන් සවියක්ව සුහද සිතින් සිටින බව පැවසීම පමණි !

RECENT ARTICLES - SINHALA

2019ට කලින් QR නැතුව, සලාක නැතුව තෙල් ගැහුවා – මරික්කාර්

මහින්දානන්ද, රෝහිත, ජොන්ස්ටන් වැනි පුද්ගලයන් සිටින ආණ්ඩුවක කැබිනට් මණ්ඩලයට එක්වීමට පොහොට්ටුවට විරුද්ධ සිටි කිසිවෙකුට හෝ හෘද සාක්ෂියට එකඟව සිදුකළ නොහැකි අතර වරින්...

ආර්ථිකය ගොඩනැංවීමේ වගකීම රවීට දෙන්නැයි ඉල්ලීමක්

මේ වනවිට දැඩිලෙස කඩාවැටී ඇති ආර්ථිකය යළි ගොඩනැංවීමේ වගකීම හිටපු මුදල් අමාත්‍ය රවී කරුණානායක මහතා වෙත ලබාදෙන ලෙස ජනාධිපති රනිල් වික්‍රමසිංහ වෙත...

RECENT ARTICLES - ENGLISH

Chinese students to follow the Master of Finance in Economics of the University of...

0
The Sri Lanka Embassy hosted the commencement ceremony, for a batch of Chinese students enrolled for the Master of Financial Economics Programme...

Long March 5B: Debris from Chinese rocket falls back to Earth

0
Chinese rocket debris has crashed to Earth over the Indian and Pacific oceans, US and Chinese officials say. China's...

Rights group seeks arrest of former Sri Lanka president in Singapore

0
A rights group documenting alleged abuses in Sri Lanka has filed a criminal complaint with Singapore’s attorney general, seeking the arrest of...