අමෙරිකාවේ ටෙක්සාස් ප්‍රාන්තයේ ඇතිවූ ගංවතුර තත්ත්වය හේතුවෙන් ආපදාවට පත්වූවන් මුදාගැනීම සහ අනෙකුත් සහන සේවා සඳහා උපරිම සහාය ලබාදෙන බව ජනාධිපති ඩොනල්ඩ් ට්‍රම්ප් පවසනවා.
දැනට වාර්තා වන ආකාරයට ගංවතුර තත්ත්වය හේතුවෙන් මියගිය පුද්ගලයින් සංඛ්‍යාව 43 දෙනෙකු දක්වා ඉහළ ගොස් ඇති බව විදෙස් මාධ්‍ය වාර්තා කළා.
ඊට ළමුන් 15 දෙනෙකුද අයත් අතර තවත් ළමයින් 27 දෙනෙකු අතුරුදන්ව ඇති බවද වාර්තා වනවා.
තවත් 850 දෙනෙකු පමණ මුදාගැනීමට හැකිව තිබෙනවා.
සහන කණ්ඩායම් යොදවමින් තවදුරටත් මෙහෙයුම් සිදුකෙරෙන බව විදෙස් මාධ්‍ය වාර්තා කළා.
