උතුරු වියට්නාමයේ අධික වර්ෂාපතනයත් සමඟ ඇති වූ යාගි සුළි කුණාටු තත්ත්වය හේතුවෙන් මිය ගිය ගණන 127 දක්වා ඉහළ ගොස් තිබෙනවා.
විදෙස් වාර්තා සදහන් කළේ, තවත් පුද්ගලයින් 54 දෙනෙකු අතුරුදන් බවයි.
වසර 30කට පසු වියට්නාමයට බලපෑ දරුණුතම කුණාටුව මෙය වන අතර, ඉන් වැඩිම බලපෑම එල්ල වී ඇත්තේ උතුරු වියට්නාමයටයි.
විදෙස් වාර්තාවල වැඩිදුරටත් වාර්තා කර ඇත්තේ, පසුගිය සෙනසුරාදා ඇති වූ මෙම සුළි කුණාටු තත්ත්වය හේතුවෙන් එරට මිලියන 1.5 ක ජනතාවකට විදුලිය විසන්ධි වී ඇති බවයි.
