ශ්රී ලංකා පොදු ජන පෙරමුණ හැර ගොස් වෙනත් ජනාධිපති අපේක්ෂකයන් වෙත සහය දැක්වීමට කටයුතු කර ඇති පක්ෂයේ නියෝජිතයන් සම්බන්ධයෙන් පියවර ගැනීමට එම පක්ෂය තීරණය කර තිබෙනවා.
දේශපාලන ආරංචි මාර්ග පවසන්නේ මේ සඳහා ඉදිරියේදී ශ්රී ලංකා පොදුජන පෙරමුණේ විනය මණ්ඩලය කැඳවීමට නියමිත බවයි.
එහිදී පක්ෂයේ තීරණයට එරෙහිව ගිය සියලු පාර්ලිමේන්තු මන්ත්රීවරුන්, හිටපු පළාත් සභා හා පළාත් පාලන සභිකයින් සම්බන්ධයෙන් පියවර ගැනීමට අපේක්ෂා කරන බව වැඩිදුරටත් සඳහන්.
ජනාධිපතිවරණය සඳහා නාම යෝජනා ඉදිරිපත් කිරීමෙන් පසු මෙලෙස විනය මණ්ඩලය කැඳවනු ඇති.
ශ්රී ලංකා පොදු ජන පෙරමුණේ ආරංචි මාර්ග පවසන්නේ, මේ වනවිට අවස්ථා කිහිපයකදී පාර්ලිමේන්තු මන්ත්රීවරුන් රැසක් පක්ෂය හැරගොස් ජනාධිපතිවරණයේ විවිධ අපේක්ෂකයින්ගේ ජයග්රහණය වෙනුවෙන් සහය ලබාදී ඇති බවයි.
මේ වන විට පොදුජන පෙරමුණේ මතය සමඟ යමින් මන්ත්රීවරුන් 42ක් තවදුරටත් රැඳී සිටින බවද වාර්තා වෙනවා.
