අද (21) දිනයේ පාසල් වෙත වාර්තා නොකරන ගුරු භවතුන්ගේ සහ විදුහල්පතිවරුන්ගේ නොවැම්බර් මාසයේ වැටුප් කප්පාදුවක් කිරීමට අධ්යාපන අමාත්යාංශය තීරණයක් ගෙන ඇති බවට සිදුවන චෝදනාව අසත්ය බව අධ්යාපන අමාත්යාංශයේ ලේකම් මහාචාර්ය කපිල පෙරේරා පවසනවා.
එවැන්නක් සඳහා ජනාධිපතිවරයා හෝ අධ්යාපන අමාත්යවරයා තමාට උපදෙස් දී නොමැති බවයි ඔහු පවසන්නේ.
එමෙන්ම, එලැඹෙන 25 වැනිදා සඳුදා ගුරු විදුහල්පති සියලූදෙනා පැමිණෙන බව අදාල වෘත්තීය සංගම් දැනුම් දී තිබෙන බවත් ගුරු-විදුහල්පතිවරුන්ගේ අර්බුදය කලබලයකින් තොරව, ඉතා සුහදශීලීව විසඳා ගත යුතු කරුණක් බවත් ඔහු අවධාරනය කර සිටිනවා.
වෘත්තීය සංගම්වල ධනාත්මක ප්රතිචාරය පදනම් කරගෙන, සැලසුම් කර ඇති පරිදි පාසල් අරඹා දරුවන්ගේ අධ්යාපන කටයුතු ඇරඹීමට හැකියාවක් ඇති බවයි අධ්යාපන අමාත්යාංශයේ ලේකම්වරයා පෙන්වා දෙන්නේ.
දිවයින පුරා සිසුන් දෙසීයකට අඩු පාසල් 5106ක අද දිනයේ අධ්යාපන කටයුතු ඇරඹෙන බවත් මේ අවස්ථාව ප්රයෝජනයට ගෙන චකිතයකින් තොරව දරුවා පාසල් එවන ලෙසත් ඔහු දෙමවුපියන්ගෙන් ඉල්ලා සිටිනවා.
ළමා දිනය අදයි කියා සිතා දරුවන් පාසලට එවන ලෙසත්, දරුවන් බලාගැනීමට අවශ්ය සියලූ කටයුතු යොදා ඇති බවත් අද දිනයේ ගුරුවරුන් වෙනුවෙන් නිර්මාණය කරන ලද ගුරු ගීතයක් ද ළමයින් සඳහා ළමා ගීතයක් ද ගායනා කිරීමට කටයුතු යොදා ඇතැයි ද අධ්යාපන ලේකම්වරයා වැඩිදුරටත් සඳහන් කර සිටියා.