භූමිතෙල් බෙදා හැරීමේ දී පවතින ප්‍රමාදය ඉදිරි දින දෙක තුළ සම්පුර්ණයෙන්ම අවසන් කිරීමට රජය විසින් පියවර ගෙන ඇති බව ජනාධිපති කාර්යාලය පවසනවා.
ප්‍රජා කටයුතු පිළිබඳ ජනාධිපති අධ්‍යක්ෂ ජෙනරාල් කීර්ති තෙන්නකෝන් මහතා ධීවර ප්‍රජාවගේ ඉන්ධන අවශ්‍යතාව වෙනුවෙන් අද (23) භූමිතෙල් බවුසර් 74ක් නිකුත් කිරීමට කටයුතු කර ඇති බවයි.
තවද පෞද්ගලික අංශයේ පිරවුම්හල් 49ක්, සමුපකාර පිරවුම්හල 18ක් සහ වෙනත් පිරවුම්හල් 07කින් ඔවුන් වෙත අඛණ්ඩව භූමිතෙල් බෙදා හැරීම සිදු කරන බවයි ඔහු වැඩිදුරටත් සඳහන් කළේ.
අනුමැතිය ලබාදී ඇති නමුත් නොගෙවීම හේතුවෙන් ඊයේ (22) දිනයේ භූමිතෙල් නිකුත් කර නැති සියලුම පිරවුම්හල් වෙත අද (23) දිනයේ භූමිතෙල් නිකුත් කිරීමට උපදෙස් දී ඇති බවද ඒ මහතා වැඩිදුරටත් කියා සිටියා.
