තමන් කැබිනට් අමාත්‍යවරයෙක් වශයෙන් තවදුරටත් කටයුතු කරන බව හිටපු අමාත්‍ය ජනාධිපති නීතිඥ අලි සබ්රි පවසනවා.
ඒ, රූපවාහිනී සංවාදයක් සමඟ එක් වෙමින්.
එහිදී වැඩිදුරටත් අදහස් දැක්වූ හිටපු අමාත්‍ය ජනාධිපති නීතිඥ අලි සබ්රි.
ප්‍රශ්නය – ඔබ මුදල් අමාත්‍ය ධූරයේ නොහිටියාට නොනිල වශයෙන් මුදල් අමාත්‍යවරයා ලෙස වැඩ ද?
හිටපු අමාත්‍ය ජනාධිපති නීතිඥ අලි සබ්රි – නෑ , රටක් වශයෙන්, කැබිනට් අමාත්‍යවරයෙක් වශයෙන් වැඩ කරනවා. මම ඒ තත්ත්වයට වැඩ කළේ මුදල් අමාත්‍යාංශයේ ඉන්නකොට නෙමේ. අධිකරණ අමාත්‍යාංශයේ ඉන්නකොටම කැබිනට් එකෙන් කිව්වා මේ දෙවල් හදලා දෙන්නැයි කියලා. එකේ හිටියේ G.L මැතිතුමයි මමයි අර දෙන්නයි. මම ඒකේ වගකීම අරගෙන මාත් එක්ක වැඩ කරන නීතිඥ ප්‍රජාවේ ටීම් එකක් දලා එකේ RFP (IMF යෝජනාවලියක් සඳහා ඉල්ලීම් කිරීමට අවශ්‍ය ලියවිලි) හදලා ඔවුන් එක්ක සාකච්ඡා කරලා දුන්නා කවුද මේක කරේ කියලා. ඒකට සහයෝගයක් ලැබුන් නෑ. මම දන්නේ නෑ ඒ ඇයි කියලා. නමුත් අලුත් අධිපතිවරයා ආපු වහාම, ඊයේ ආපු ගමන්ම එයා කෙලින්ම එයාපෝට් එකේ ඉඳලා ඇවිල්ලා. මම හිතනවා ඒක අපි පොසිටිව් විදියට දකින්න ඕනේ කියලා එතුමා මෙතන හිටපු කෙනෙක් එතුමා විශ්‍රාම ගිහිල්ලා ඔස්ට්‍රේලියාවේ හොඳට හිටපු කෙනෙක් එතුමා මේ රට අගාදයෙන් බේරාගැනීම සඳහා ලොකු රිස්ක් එකක් අරගෙන එනවා. එයාට ලොකු විශ්වාසයකුත් තියෙනවා. මම හිතනවා එයාට එහෙම රිස්ක් එකක් ගන්න පුළුවන් නම් මෙහෙ පාර්ලිමේන්තුවේ ඉන්න අයත් රිස්ක් එකක් ගන්න ඕනේ තමන්ගේ ඉමේජ් එක ගැනත් නොහිතා.
ප්‍රශ්නය – ඔහු විශ්‍රාම දිවිය නිම කරලා එන්නේ ගින්නක් නිවන්න.
හිටපු අමාත්‍ය ජනාධිපති නීතිඥ අලි සබ්රි – ගින්නක් නිවන්න එන්නේ. එතුමා ආපු ගමන්ම ඊයෙ රෑත් මාත් එක්ක කතා කළා. අද උදෙත් මාත් එක්ක කතා කළා. අද අපි ඒක පබ්ලිෂ් කිරීම සඳහා කටයුතු කරනවා. පබ්ලිෂ් වුණාම, අපි කැබිනට් ඇපෘවල් එක අරගෙන. ඒකෙන් තෝර ගන්න ඕනේ හොඳ ෆයිනෑෂියල් ඇඩ්වයිසර් කෙනෙකුත් හොඳ ලීගල් ඇඩිවයිසර් කෙනෙකුත්.
තමන්ගේ ඉල්ලා අස්වීම තවමත් ජනාධිපතිවරයා විසින් පිළිගෙන නොමැති බව හිටපු අමාත්‍ය ජනාධිපති නීතිඥ අලි සබ්රි මහතා පැවසීය.
එහෙත් තමා රට ගැන සිතා මේ අවස්ථාවේ අයි එම් එෆ් හා අදහස් හුවමාරුවට අවශ්‍ය කටයුතු සඳහා අවශ්‍ය සහාය ලබාදෙන බවය.
“කවුරුහරි මේක බාරගෙන කරන්න කැමති නම් ඒ අවස්ථාව ලබාදෙන්න අපි සූදානම්.”
ඔහු තවදුරටත් පැවසුවේ ජාත්‍යන්තර මූල්‍ය අරමුදලෙන් සහාය ලබාගෙන රට මුහුණ දී ඇති ණය ප්‍රශ්නය සහ විදේශ විනිමය ගැටලුව විසඳා නොගතහොත් තව මාස කිහිපයකින් රට අරාජික විය හැකි බවය.
