දේශීය අදායම් දෙපාර්තමේන්තුවේ බදු අදායම් එකතු කරගැනීමේ කාර්යක්ෂමතාව වැඩි කිරීම සඳහා 2014 වසරේ දී සැදු RAMIS නම් අදායම් බදු කළමනාකරණ මෘදුකාංග පද්ධතිය සඳහා රුපියල් බිලියන 10ක පමණ ආයෝජනයක් සිදු කළද එය මේ වන විට නිසි තත්ත්වයෙන් ක්‍රියාත්මක නොවන බවට තොරතුරු ලැබී ඇති බව COPA කමිටුව පවසනවා.
පසුගියදා COPA කමිටුවේ සභාපති පාර්ලිමේන්තු මන්ත්‍රී කබීර් හෂීම් මහතා කියා සිටියේ අදාළ මෘදුකාංග පද්ධතිය වැඩි දියුණු කිරීම වෙනුවෙන් මේ වන විට තවත් විශාල මුදලක් වැය කර ඇති බවයි.
ඒ හේතුවෙන් මෙම මෘදුකාංගය සඳහා තවදුරටත් මුදල් වියදම් කිරීම ප්‍රතිඵලදායක බවද ඒ මහතා පෙන්වා දෙනවා.
RAMIS මෘදුකාංග පද්ධතිය සම්බන්ධව ප්‍රසම්පාදනය ඇතුළු අංශ ගණනාවක් සම්බන්ධයෙන් ගැටළුකාරී තත්ත්වයෙන් පෙනී යාම හේතුවෙන් අදාළ පද්ධතිය රටට ගැලපෙන ආකාරයෙන් ක්‍රියාකාරී මට්ටමට පත් කිරීමේ හැකියාව විමර්ශනය කොට නිගමනය ඉදිරිපත් කිරීම සඳහා COPA කමිටුව විසින් අනුකමිටු දෙකක් පිහිටුවීමට ද යෝජනා වී තිබෙනවා.
