ඇවිදින මංතීරු ඉදිකරන්නේ ඡන්දයක් ඉල්ක්ක නොකර බව තරුණ හා ක්රීඩා අමාත්ය, සංවර්ධන සම්බන්ධීකරණ හා අධීක්ෂණ අමාත්ය සහ ඩිජිටල් තාක්ෂණ හා ව්යවසාය සංවර්ධන රාජ්ය අමාත්ය නාමල් රාජපක්ෂ මහතා පවසනවා.
රටේ ජනතාවගේ සෞඛ්ය හේතුන් මත ඒවා ඉදි කෙරෙන බවයි ඔහු පවසන්නේ.
මෙහිදී වැඩිදුරටත් අදහස් දැක්වූ අමාත්ය නාමල් රාජපක්ෂ මහතා,
“අපිට සංවර්ධන සැලැස්මක් තියෙනවා පොළොන්නරුවේ හුදකලා සිදුවීමක් ඒ පිලිබදව විරෝධයක් තියෙනවා නම් යු.ඩී.එකට පුළුවන් තීරණයක් ගන්න. ඇවිදින මංතීරු හදන්නේ දේශපාලන උවමනාවක් මත නෙවෙයි හදන්නේ සෞඛ්ය හේතුන් නීර්දේශ මත රටේ ජනතාවට මානසික සහ කායික සුවය ලබා ගැනීම සඳහා අවශ්ය පසුබිම නිර්මාණය කරන්න.
ඇවිදින මංතීරු නිර්මාණය කරන්නේ ආණ්ඩුවට ඡන්දය ගන්න නෙවෙයි මංතීරු හදලා ඡන්දය ගත්ත ආණ්ඩුවක් නැහැ. දීපු කෙනෙකුත් නැහැ. අපේ ගේ ඉස්සරහා මංතීරුවක් හැදුවා කියලා ඡන්දය දුන්න කෙනෙක් ඉන්නවාද නෑ. කොළඹ මංතීරු හැදුවා එක්කෙනෙක් ඡන්දය දුන්නාද?”