රාජ්‍ය අමාත්‍ය ලොහාන් රත්වත්තේ අද (07) දින ශ්රී ලංකා මානව හිමිකම් කොමිසම හමුවට පැමිණියා.
ඒ වැලිකඩ සහ අනුරාධපුර යන බන්ධනාගාරවල සිදුවු සිද්ධිය සම්බන්ධයෙන් සිදුවන පරීක්ෂණයට අදාලවයි.
පිටතට පැමිණ මාධ්‍ය ඇමතූ රාජ්‍ය අමාත්‍යවරයා පැවසුවේ තමා පෙරේදා දින පැමිණ කට උත්තරයක් දුන් බවත් එය නැවත කියවා අත්සන් කිරීමට අද දින පැමිණි බවත් ය.
ස්වාධින පරීක්ෂනයක් සිදුවන අවස්ථාවේ තමාට වෙනත් කිසිවක් මාධ්‍ය වෙත පැවසීමට නොහැකි බවත් තමා බන්ධනාගාර කළමණාකරන හා සිරකරුවන් පුනරුත්ථාපන කටයුතු පිළිබඳ රාජ්‍ය අමාත්‍යධූරයෙන් ඉල්ලා අස්වූයේ ස්වාධීන පරීක්ෂණයක් සිදුකිරීමට ඉඩ ලබා දෙමින් බවත් ඔහු පවසනවා.
කෙසේ නමුත් මාධ්‍යවේදීන් වැඩිදුර ප්‍රශ්න කිරීමේදී ඔහු දැඩි ස්ව‍රයකින් මාධ්‍යවේදීන්ට “මං කියන දේ අහන් හිටියෙ නැද්ද? මං පෙරේදා ඇවිත් කට උත්තර දුන්නා. ඒක නැවත කියවලා බලලා අත්සන් කරන්න තමයි ආවේ” යැයි පවසා සිටියා.
කෙසේ නමුත්, අදාල පරීක්ෂණය වෙනුවෙන් රාජ්‍ය අමාත්‍යවරයාව කැඳවා මේවන විට මසක් පමන ගත වී ඇති අතර ඊයේ දින කැඳවීමට අදාලව අසනීපයක් හේතුවෙන් රාජ්‍ය අමාත්‍යවරයාට පැමිණීමට නොහැකි බවත් වෙනත් දිනයක් ලබාදෙන ලෙස දන්වා ඇති බවත් මාධ්‍ය වාර්තා කර තිබුණා.
මේ වන විටත් දාල සිදුවීම් සම්බන්ධයෙන් ශ්රී ලංකා මානව හිමිකම් කොමිෂන් සභාව විසින් බන්ධනාගාර කොමසාරිස් ජනරාල්වරයා ඇතුළු බන්ධනාගාර නිළධාරීන් සහ සිද්ධියට මුහුණ දුන් සිරකරුවන් කැදවා මේ වනවිටත් ප්රකාශ සටහන් කරගෙන තිබෙන බව පැවසෙන්නේ.
වැලිකඩ සහ අනුරාධපුර බන්ධනාගාර පරිශ්‍රයන්හි දී සැප්තැම්බර් මස 12වනදා තමා වෙතින් සිදු වූ සිද්ධීන්ට අදාළව වගකීම භාර ගනිමින් බන්ධනාගාර කළමනාකරණ හා සිරකරුවන් පුනරුත්ථාපන කටයුතු රාජ්‍ය අමාත්‍ය ලොහාන් රත්වත්තේ මහතා සිය ධූරයෙන් ඉල්ලා අස් වූ බව ජනාධිපතිවරයාගේ මාධ්‍ය ප්‍රකාශකවරයා සැප්තැම්බර් මස 15වනදා ප්රකාශ කර සිටියා.
රාජ්‍ය අමාත්‍යවරයාගේ ක්‍රියාකලාපය සම්බන්ධයෙන් ආණ්ඩු පක්ෂයෙන්ද විවේචන එල්ල වූ නමුත් පසුව රාජ්‍ය අමාත්‍යවරයා ප්රකාශ කර සිටියේ තමා එවැන්නක් සිදු නොකළ බවයි.
කෙසේ නමුත් පසුගිය මස 17වනදා මාධ්‍ය අමතමින් නාමල් රාජපක්ෂ මහතා ප්රකාශ කර සිටියේ යම් කිසි සිදුවීමක් සිදුවූ බවට මාධ්‍ය සහ විපක්ෂයේ දේශපාලඥයන් චෝදනා කළ බවත් ඒ චෝදනාව පිළිබඳව සිදුවන පරීක්ෂණයට සහය දීමේ අවශ්‍යතාවය මත එම පරීක්ෂණය අවසන් වෙනතෙක් ලොහාන් රත්වත්තේ විසින් එම තනතුරෙන් ඉල්ලා අස් වී ඇති බවයි.
වැලිකඩ සහ අනුරාධපුර බන්ධනාගාර පරිශ්‍රයන්හි දී තමා වෙතින් සිදු වූ සිද්ධීන්ට අදාළව වගකීම භාර ගනිමින් බන්ධනාගාර කළමනාකරණ හා සිරකරුවන් පුනරුත්ථාපන කටයුතු රාජ්‍ය අමාත්‍ය ලොහාන් රත්වත්තේ මහතා සිය ධූරයෙන් ඉල්ලා අස් වෙයි.
— Kingsly Rathnayaka (@KingslyRathnyka) September 15, 2021
