ශ්රී ලංකාවේ දක්ෂතම ආරම්භක පිතිකරුවෙකු මෙන්ම හිටපු නායක දිමුත් කරුණාරත්න ක්රිකට් පිටියෙන් සමුගැනීමට නියමිත බව වාර්තා වනවා.
ඒ, සංචාරක ඔස්ට්රේලියා කණ්ඩායම සහ ශ්රී ලංකා කණ්ඩායම අතර පැවැත්වෙන වෝන් – මුරලි දෙවැනි ටෙස්ට් තරගයෙන් අනතුරුවයි.
එම තරගය අනිද්දා ගාල්ල ජාත්යන්තර ක්රීඩාංගණයේදී පැවැත්වීමට නියමිතව තිබෙනවා.
එම තරගයේ තවත් විශේෂත්වයක් වන්නේ, දිමුත් කරුණාරත්න ක්රීඩා කරන 100 වෙනි ටෙස්ට් තරගය මෙය වන නිසාවෙන්.
‘Daily FT’ වෙත අදහස් දක්වමින් කරුණාරත්න පවසා ඇත්තේ, තමා සියලු මට්ටම්වල ක්රිකට් ක්රීඩාවෙන් සමුගෙන ලබන මාස සිය පවුල සමඟ විදෙස්ගත වීමට අදහස් කරන බවයි.
36 හැවිරිදි දිමුත් කරුණාරත්න මේ දක්වා ටෙස්ට් තරග 99ක් ක්රීඩා කර ඇති අතර, මේ දක්වා ලකුණු 7,172ක් රැස්කර තිබෙනවා.
ඔහු ටෙස්ට් තරගයකදී රැස්කළ වැඩිම ලකුණු සංඛ්යාව 244ක්.