සිය රටේ ප්රංශ තානාපතිවරයා නෙරපා හැරීම සම්බන්ධයෙන් පකිස්තාන ආණ්ඩුව මහත් දෙගිඩියාවට පත්ව සිටින බව වාර්තා වේ.
පකිස්තානය තුළ තහනම් සංවිධානයක් වන තරෙක් ඊ ලබායික් සංවිධානය ප්රංශ තානාපතිවරා නෙරපා හැරිය යුතු බව සදහන් කරමින් දැවැන්ත විරෝධතා ව්යාපාරයක් ආරම්භ කර තිබේ.
විදෙස් වාර්තා සදහන් කළේ පකිස්තාන ආණ්ඩුවට දැවැන්ත අභියෝගයක් එල්ල කර ඇති මෙම උද්ඝෝෂණය නවතා ගැනීම සම්බන්ධයෙන් එරට අභ්යන්තර කටයුතු අමාත්ය ෂීක් රෂීඩ් තහනම් තරෙක් ඊ ලබායික් සංවිධානයේ නායක සාඩ් රිස්වි සමග සාකච්ඡාවක් ද පවත්වා ඇති බවයි.
එහෙත් මෙම සාකච්ඡාවේදී ද තරෙක් ඊ ලබායික් සංවිධානය සිය ඉල්ලීම වෙනස් කිරීමට සූදානම් වී නොමැති බව පැවසේ.
මේ හේතුවෙන් පකිස්තාන ආණ්ඩුව මහත් අපහසුතාවයට පත්ව ඇති බව විදෙස් වාර්තා වැඩිදුරටත් සදහන් කරයි.
ප්රංශ ජනාධිපති එම්මානුවෙල් මැකරෝන් ඉස්ලාම් ආගම සම්බන්ධයෙන් කළ ආන්දෝලනාත්මක ප්රකාශයක් අනුමත කිරීම හේතුවෙන් පකිස්තානයේ ප්රංශ තානාපතිවරයා නෙරපා හැරිය යුතු බව පවසා තරෙක් ඊ ලබායික් සංවිධානය මාස ගණනාවක සිට මෙම දැවැන්ත විරෝධතා ව්යාපාරය ආරම්භ කර තිබේ.