නව ජනාධිපතිවරයා වන අනුර කුමාර දිසානායක මහතා දිවුරුම් දීමෙන් අනතුරුව හැකි පළමු අවස්ථාවේදීම පාර්ලිමේන්තුව විසුරුවා හරින බවට ජනතා විමුක්ති පෙරමුණේ ප්‍රධාන ලේකම් ටිල්වින් සිල්වා මහතා පවසනවා.
ජනාධිපතිවරණ ජයග්‍රහණය පිළිබදව අදහස් දක්වමින් ඔහු පවසන්නේ හෙට (23) උදෑනස ජනාධිපති ලේකම් කාර්යාලයේදී අනුර කුමාර දිසානායක මහතා ජනාධිපති ධූරයේ දිවුරුම් දෙන බවයි.
මැතිවරණ කොමිසම සමඟ පැවති සාකච්ඡාවකින් අනතුරුව මාධ්‍ය වෙත අදහස් දක්වමින් ටිල්වින් සිල්වා මහතා පැවසුවේ අනුර කුමාර දිසානායක මහතාගෙන් හිස්වන පාර්ලිමේන්තු මන්ත්‍රී ධූරය සඳහා ලක්ෂ්මන් නිපුනාරච්චි මහතා පත්වනු ඇති බවයි.
