අහිංසක දරුවන් මර්දනය කරන ත්රස්තවාදය පවතිනතුරු මෙරටට මුදල් නොඑවන්නයි විදේශ රටවල සිටින ශ්රී ලාංකිකයන්ගෙන් තමා විශේෂ ඉල්ලීමක් කරන බව සමගි ජන බලවේගයේ ගම්පහ දිස්ත්රික් පාර්ලිමේන්තු මන්ත්රී, ෆීලිඩ් මාර්ෂල් සරත් ෆොන්සේකා පවසනවා.
ඒ, ඊයේ (02) දින අයවැය විසර්ජන පනත් කෙටුම්පත පිළිබඳ දෙවැනි වර කියැවීමේ විවාදයේදී පාර්ලිමේන්තුව අමතමින්.
අරගලයේ නිරත දරුවන්ට හිරිහැර කරන ආරක්ෂක නිලධාරීන්ට තම රජයක් යටතේ දැඩි දඬුවම් දෙන බවත්රටේ අරගලය අවසන් නැති බවත් එය අළු යට ගිනි පුගුරු සේ මතුවෙමින් තිබෙන බවත් මන්ත්රීවරයා පවසනවා.
එම ගිනි පුගුරු මතුවීමට තමා ශක්තිය ලබාදෙන බවත් අරගලයකින් තොරව මේ රට දූෂිතයන්ගෙන් බේරාගත නොහැකි බවත් අරගලය ඉදිරියට ගෙන යා යුතු බවත් හෙතෙම පවසනවා.
අරගලය පොහොට්ටුවේ පිරිසගේ ඇඟේ නොමැති නමුත් ඔවුන්ගේ බඩේ මෙන්ම ඔවුන්ගේ කුස්සියේ ද අරගලය ඇති බව පැවසූ මන්ත්රීවරයා කවදා හෝ ඔවුන්ට ද අරගලයට පැමිණීමට සිදු වන බව පෙන්වා දෙනවා.
මර්දනයට ලක්ව සිටින දරුවන් බේරා ගැනීමට ඉදිරිපත් වන්නැයි තමා නීතිඥ ප්රජාවගෙන් විශේෂ ඉල්ලීමක් කරන බවද ෆොන්සේකා පවසනවා.