අලුත් අවුරුදු සමයේ සෞඛ්‍ය ආරක්ෂිත ක්‍රමවේද අනුගමනය කිරීම අතිශය වැදගත් බව කොරෝනා මර්දන කාර්ය සාධන බලකා ප්‍රධානී, යුද හමුදාපති ජෙනරල් ශවේන්ද්‍ර සිල්වා ජනතාවට දැනුම් දෙනවා.
පවතින අවදානම අවතක්සේරු නොකළ යුතු බවයි ඔහු කියා සිටින්නේ. අහඹු ලෙස කොවිඩ් පරීක්ෂණ සිදු කිරීමද මේ වන විට සිදු කරන බව යුද හමුදාපතිවරයා පවසනවා.
රෙදි පෙළි මිලදී ගැනීමේ දී හා භාණ්ඩ මිලදී ගැනීමේදී ජනතාව නිසි සෞඛ්‍ය උපදෙස් පිලිපදින තත්ත්වයක් දක්නට නොලැබෙන බවද මහජන සෞඛ්‍ය පරීක්ෂකවරුන් ාවධාරණය කර සිටිනවා. අවුරුද්දෙන් පසු කොවිඩ් ප්‍රතිකාර මධ්‍යස්ථානයකට ඇතුළත් නොවීමේ වගකීම ඇත්තේද ජනතාව සතුවම බවයි එම සංගමයේ සභාපති උපුල් රෝහණ පවසන්නේ.
පොදු ප්‍රවාහන සේවයේදීද ජනතාව වැඩි අවධානයකින් කටයුතු කිරීම අත්‍යාවශ්‍ය බවත් මෙහිදී අවධාරණය කෙරුණා.
