ඉස්ලාමාබාද් අගනුවර පිහිටි පකිස්තාන වෛද්ය කොමිසම ඉදිරිපිට පැවති වෛද්යවරුන්ගේ විරෝධතා ව්යාපාරයක් එරට පොලිසිය විසින් කදුළු ගෑස් සහ බැටන් ප්රහාර එල්ල කොට විසුරැවා හැර තිබේ.
විදෙස් මාධ්ය වාර්තා කළේ ජාතික වෛද්ය බලපත්ර විභාගය අනිවාර්ය කිරීමට එරෙහිව රටේ විවිධ ප්රදේශවලින් පැමිණි තරුණ වෛද්යවරුන් විශාල පිරිසක් මෙම විරෝධතා ව්යාපාරය පවත්වා ඇති බවයි.
වසර පහක වෛද්ය අධ්යාපනයෙන් සහ පුහුණුවෙන් අනතුරුව වෛද්ය වෘත්තියට සුදුසුකම් ලබාගැනීමෙන් පසු යළිත් වතාවක් ජාතික වෛද්ය බලපත්රය ලබාගැනීම සදහා අනිවාර්ය විභාගයකට පෙනී සිටීම අසාධාරණ බව විරෝධතාවයට එක්ව සිටි වෛද්යවරු මෙහිදී සදහන් කළහ.
මෙහිදී වෛද්යවරුන් දස දෙනෙකු පමණ අත්අඩංගුවට ගෙන ඇති අතර මීට දින කිහිපයකට පෙර මෙම ඉල්ලීම් මතම ඉස්ලාමබාද්හි පැවති වෛද්ය සිසුන්ගේ දැවැන්ත විරෝධතාවක් ද පොලිසිය විසින් මෙළෙසම කදුලු ගෑස් සහ බැටන් ප්රහාර එල්ල කර විසුරුවා හැර තිබිණ.