ලී යූචෙන්ග් මෑතකදී චීනයේ නියෝජ්‍ය විදේශ අමාත්‍ය ධුරයෙන් ඉවත් කළේ ඇයිද යන්න පිළිබඳව සැක සහිත කරුණු ගණනාවක් මතුව ඇති බව වාර්තා වේ.
ලී යූචෙන්ග් චීනයේ ජාතික ගුවන්විදුලි හා රූපවාහිනී පරිපාලනයේ නියෝජ්‍ය ප්‍රධානියා ලෙස පත් කර ඇත්තේ, චීනය බටහිර සමග අර්බුදයක සිරවී සිටින අවස්ථාවකය.
2018 වසරේ සිට විදේශ උප අමාත්‍යවරයා ලෙස කටයුතු කරන ලී විදේශ අමාත්‍යවරයා වීමට බලාපොරොත්තුවෙන් සිටි අයෙක් බව ද පැවසේ.
ලී ට මාධ්‍ය හෝ ප්‍රචාරක කටයුතු පිළිබඳ අත්දැකීම් නැති බවත් මෑත වසරවලදී ඔහු චීනයේ රාජ්‍ය තාන්ත්‍රික ස්ථාවරය පිළිබඳව නිතර නිතර ප්‍රසිද්ධියේ ප්‍රකාශ කර ඇති බවත් විදෙස් වාර්තා වැඩිදුරටත් පවසයි.
යුක්රේනයේ යුද්ධය සම්බන්ධයෙන් චීනයේ ස්ථාවරය ආරක්ෂා කිරීමද එයට ඇතුළත් වේ.
