29 C
Colombo
Sunday, December 5, 2021

අධිකරණ ඇමතිට දොලවත්තගේ විරෝධය

- Advertisement -

අධිකරණ අමාත්‍ය අලි සබ්රි මහතා විසින් සිදුකරන ලද ප්‍රකාශයක් පාර්ලිමේන්තුවේ හැන්සාඩ් වාර්තාවෙන් ඉවත් කරන්නැයි ඉල්ලා ශ්‍රී ලංකා පොදුජන පෙරමුණේ පාර්ලිමේන්තු මන්ත්‍රී ප්‍රේමනාත් සී දොලවත්ත මහතා
කතානාකවරයා හට ලිපියක් භාරදී තිබෙනවා.

මෙලෙස ඉල්ලා ඇත්තේ බෞද්ධ විහාරගම් හා දේවාලගම් පනත සම්බන්ධයෙන් අධිකරණ අමාත්‍යවරයා සිදුකල ප්‍රකාශයයි.

එම ලිපිය පහතින්,

ගරු කථානායකතුමා,
ශ්‍රී ලංකා පාර්ලිමේන්තුව,
ශ්‍රී ජයවර්ධනපුර,
කෝට්ටේ.
2021-02-23

ගරු අධිකරණ අමාත්‍ය මොහොම්ඩ් අලි ශබ්‍රී මහතා විසින් පාර්ලිමේන්තුවේ දී ප්‍රකාශ කල බෞද්ධ විහාරගම් සහ දේවාල පනත පුද්ගලික නීතියක් බව ප්‍රකාශ කිරීම හැන්සාඩ් වාර්තාවෙන් ඉවත් කිරීමට කරනු ලබන ඉල්ලීමයි.
2021 පෙබරවාරි මස 12 වන දින අධිකරණ අමාත්‍ය මොහොම්ඩ් අලි ශබ්‍රී මහතා විසින් පාර්ලිමේන්තුවේ දී ප්‍රකාශ සිදු කරමින් සඳහන් කල බෞද්ධ විහාරගම් හා දේවාලගම් පනත පුද්ගල නීතියක් බව සඳහන් කර ඇත.
පුද්ගල නීතියක් යනු යම් ජන කොට්ඨාසයකට අයත් ජනතාවට පමණක් පොදු වූ සාධක සලකා එම ජන කොට්ඨාසයට පමණක් අදාල වන සේ පනවන ලද නීතියකි. නීති විද්‍යාලයේ හා විශ්ව විද්‍යාලයේ නීති සිසුන් සඳහා නිර්දේශිත ග්‍රන්ථයක් වන මහාචාර්ය එල්. ජේ. එම්. කුරේ මහතාගේ ශ්‍රී ලංකාවේ නීති ක්‍රමයට හැදින්වීමක් (AN INTRODUCTION TO THE LEGAL SYSTEM OF SRI LANKA)යන ග්‍රන්ථයේ සඳහන් වන ආකාරයට පුද්ගල නීතිය, යන්නට ඇතුලත් වන්නේ උඩරට නීතිය, තේසවලාමේ නීතිය හා මුස්ලිම් නීතිය පමණි. ඉන් උඩරට නීතිය හා තේසවලාමේ නීතිය ප්‍රාදේශීය නීතී වශයෙන්ද සැලකෙනු ලැබේ. එබැවින් වචනාර්ථයෙන්ම පුද්ගල නීතියක් ලෙස හදුන්වා දිය හැක්කේ මුස්ලිම් නීතිය පමණක් බව එම ග්‍රන්ථයේ පවා පැහැදිලිව දක්වා ඇත. එසේ වුවත් එක රටක් එක නීතියක් උදෙසා මෙම ප්‍රාදේශීය නීතී සහ පුද්ගල නීතී තුනම එක් නීතී පද්ධතියක් ‍යටතට ගෙන ආ යුතුය.
ගරු අධිකරණ අමාත්‍ය මොහොම්ඩ් අලි ශබ්‍රී මහතා විසින් පුද්ගලික නීති ලෙස ප්‍රකාශ කල බෞද්ධ විහාරගම් සහ දේවාල පනත, වකූෆ් පනත (නිවැරදි ලෙස මුස්ලිම් පල්ලි සහ පුන්‍යාධාර හෝ වකූෆ් පනත), චර්ච් ඔෆ් සිලෝන් (ශ්‍රි ලංකා කතෝලික දේවස්ථාන පිළිබඳ පනත) හා හින්දු සංස්කෘතික අරමුදල් පනත මූලිකවම ආගමික සිද්ධස්ථාන සහ ඒවායේ මූල්‍ය පරිපාලනය පිළිබඳව පනවන ලද නීතී වේ. එබැවින් එම නීතී පනත් පුද්ගලික නීතී යන අර්ථයට නොවැටෙන බව නීතිය සම්බන්ධව අවම දැණුමක් ඇති අයෙකුට පවා අවබෝධ කර ගත හැකි වේ.
එම නීතී පනවා ඇත්තේ එම ආගමික ස්ථාන සම්බන්ධව යම් යම් නියාමනයන් සහ පාලනයන් පවත්වා ගැනීමට බව අප විසින් පැහැදිලිවම අවබෝධ කර ගත යුතුය.
එසේ හෙයින් අප ආණ්ඩුව වෙත ජනතාව වීසින් පසුගිය මහා මැතිවරණයේ දී තුනෙන් දෙකක ජනවරමක් අප වෙත ලබා දුන්නේ එක රටක් එක නීතියක් යන සංකල්පය රට තුල නිර්මාණය කිරීම උදෙසා වන අතර එලෙස එම සංකල්පය රට තුල ඇති කිරීමට යෑමේදී ඇතැම් අන්තවාදීන් උපායමාර්ගිකව එම වැඩපිළිවෙලට විරුද්ධව බලපෑම් කරන බව පෙනී ගොස් ඇත. ඒ කුමන බලපෑම් අප වෙත එල්ල වූ වත් ජනතාව අප වෙත ලබා දුන් ජනවරමට ගරු කරමින්, ජනතාවගේ එම අභිලාෂය ඉටු කිරීම සඳහා අප විසින් එක රට තුල එක රටක් එක නීතියක් යන සංකල්පය ක්‍රියාත්මක කල යුතුය.
එසේ හෙයින් ගරු අධිකරණ අමාත්‍ය මොහොම්ඩ් අලි ශබ්‍රී මහතා විසින් 2021 පෙබරවාරි මස 12 වන දින ගරු පාර්ලිමේන්තුව තුල මේ සම්බන්ධව සිදු කල ප්‍රකාශය හැන්සාඩ් වාර්තාවෙන් ඉවත් කරන ලෙස ඔබතුමාගෙන් කාරුණිකව ඉල්ලා සිටිමි.
අද දින මෙම ලිපිය මා විසින් සභාගත කිරීමට අමතරව මෙම ලිපිය සමඟ පූජ්‍ය ආචාර්ය වැලමිටියාවේ ශ්‍රී කුසලධම්ම ස්ථවිර, පූජ්‍ය ඕමාරේ කස්සප ස්ථවිර. පූජ්‍ය බෙංගමුවේ නාලක ස්ථවිර, පූජ්‍ය බලංගොඩ සෝභිත ස්ථවිර, පූජ්‍ය ඉත්තෑදෙමලියේ ඉන්දසාර ස්ථවිර, පූජ්‍ය මහාචාර්ය මැදගොඩ අභයතිස්ස ස්ථවිර, පුජ්‍ය මුරුත්‍තෙට්ටුවේ ආනන්ද ස්ථවිර, පූජ්‍ය මහාචාර්ය මල්වානේ චන්ද්‍රරතන ස්ථවිර, පූජ්‍ය ඇල්ලේ ගුණවංශ ස්ථවිර, පූජ්‍ය ආචාර්ය කපුගොල්ලෑවේ ආනන්දකිත්ති ස්ථවිර යන ගරුතර සංඝ රත්නය විසින් ගරු අගමැතිතුමාගෙන් සහ ගරු කථානායකතුමාගෙන් සිදු කරන ලද ඉල්ලීමට අදාල ලිපිය ද සභාගත කරමි.


ස්තූතියි,
මෙයට විශ්වාසී,
නීතිඥ ප්‍රේම්නාත් සී. දොලවත්ත,

RECENT ARTICLES - SINHALA

හෙට සිට නැවතත් ඔබේ නිවසට ගෑස්

හෙට දිනයේ සිට ගෑස් බෙදා හැරිමට පාරිභෝගික සේවා අධිකාරිය විසින් අවසර ලබා දී තිබෙනවා. ඒ ප්‍රධාන කරුණු 03ක් සම්බන්ධයෙන් අවධානය යොමු කිරීමෙන්...

තෙල් පිරිපහදුව යළි විවෘත වන දිනය ගම්මන්පිළ ප්‍රකාශ කරයි

0
සපුගස්කන්ද බොරතෙල් පිරිපහදුවේ මෙහෙයුම් කටයුතු දෙසැම්බර් 07 වැනිදා නැවත ආරම්භ කරන බව බලශක්ති අමාත්‍ය උදය ගම්මන්පිල මහතා පාසනවා. එලෙස...

වෛද්‍ය පාදෙණියගේ සභාපතිකමට කණකොකා හඬයි

0
2021/2022 කාලසීමාව සඳහා රජයේ වෛද්‍ය නිලධාරීන්ගේ සංගමයේ සභාපතිවරයා ලෙස වෛද්‍ය අනුරුද්ධ පාදෙණිය මහතා නිතරඟයෙන් පත් කිරීම වළක්වාලමින් මොරටුව දිසා අධිකරණය විසින් අතුරු...

RECENT ARTICLES - ENGLISH

Torturing Sri Lankan to death: At least 800 booked under ATA

0
Pakistani police have booked at least 800 people under the Anti-Terrorism Act in connection with the torture and killing of Sri Lankan...

Sri Lankan tortured to death by mob in Pakistan

0
A mob in Sialkot on Friday tortured a man to death before burning his body, while a heavy contingent of police has...

President leaves for Abu Dhabi to attend the Indian Ocean Conference

0
President Gotabaya Rajapaksa left the country today (03) to attend the Indian Ocean Conference (IOC) to be held in Abu Dhabi, the...