කිසිසේත්ම රට සම්පූර්ණයෙන් වසා නොදමන ලෙස ඉල්ලා සංචාරක අමාත්‍ය ප්‍රසන්න රණතුංග මහතා ජනාධිපති ගෝඨාභය රාජපක්ෂ මහතාට ලිපියක් යොමුකර තිබෙනවා.
එහි සදහන්වන්නේ රට අගුලු ලෑමට යෝජනා කරන කිසිවෙකුත් ජනතාව මුහුණ දෙන ආර්ථික ගැටළුවලට විසදුම් ඉදිරිපත් නොකරන බවයි.
ආණ්ඩු බලය තිබියදී මහබැංකු වංචාව සිදුකල විපක්ෂය හිස්වූ භාණ්ඩාගාරයක් වත්මන් රජයට භාරදුන් බවත් එන්නත්කරණය, වෛරස පාලනය, සෞඛ්‍ය අවශ්‍යතා සපුරාලීම ආදිය සඳහා වැයකිරීමට තරම් මුදලක් යහපාලන රජය ඉතිරි නොකල බවද ප්‍රසන්න රණතුංග මහතා ලිපිය මගින් පෙන්වා දී තිබෙනවා.
රට අගුළු දැමීමට යෝජනා කරන වෘත්තීය සමිතිවලට රට අගුළු දැමුවත් වැටුප් ලැබෙන නිසාවෙන් කිසිදු ආර්ථික අපහසුවක් ඇති නොවන බවද මෙම ලිපියෙහි සදහන්.
වසංගත තත්ත්වය මදක් සමනය වීමත් සමඟ රට විවෘත කල පසු ජනතාව පාලනයකින් තොරව හැසිරීම නිසා නැවතත් වසංගත තත්ත්වය ව්‍යාප්ත වූ බවද අමාත්‍යවරයා වැඩිදුරටත් සදහන් කර තිබෙනවා.
