වෛද්ය පර්යේෂණ ආයතනයේ නියෝජ්ය අධ්යක්ෂ වෛද්ය ජයරුවන් බණ්ඩාර මහතා විසින් ඖෂධ සම්බන්ධව සිදුකළ ප්රකාශයක් සම්බන්ධයෙන් ඖෂධ නිෂ්පාදනය, සැපයීම හා නියාමන රාජ්ය අමාත්ය චන්න ජයසුමන මහතා සිය විරෝධතාව ප්රකාශ කර සිටිනවා.
ඒ, ඊයේ (31) දින මාධ්ය අමතමින්.
මෙරට නිෂ්පාදනය කළ තයිරොක්සින් ඖෂධයේ ප්රමිතිය අභියෝගයට ලක්කරමින් වෛද්ය ජයරුවන් මහතා විසින් සිදුකළ ප්රකාශය සම්පූර්ණයෙන්ම අසත්ය බවයි ඔහු පෙන්වා දෙන්නේ.
තයිරොක්සීන් ඖෂධය ලබාගත් පුද්ගලයන් එහි ප්රතිඵලයක් නොමැති බව වෛද්ය ජයරුවන් මහතා විසින් ප්රකාශ කර සිටින නමුත් රත්මලාන ඖෂධ නිෂ්පාදන පරිශ්රයේ නිපදවූ එම ඖෂධය මෙතෙක් වෙළඳපොළට නිකුත් කොට නොමැති බව රාජ්ය අමාත්යවරයා අවධාරණය කර සිටිනවා.
මේ අතර, ඊයේ (31) දින අපරාධ පරීක්ෂණ දෙපාර්තමේන්තුව හමුවේ පෙනී සිට ප්රකාශයක් ලබා දෙන ලෙසට වෛද්ය ජයරුවන් බණ්ඩාර මහතාට දැනුම් දී තිබූ නමුත් ඔහු වෙනුවෙන් පෙනී සිටි නීතිඥවරුන් කළ ඉල්ලීමකට අනුව එම ප්රකාශය ලබාදීම සඳහා ඔහුට තව දින 14ක කාලයක් ලබාදී තිබෙනවා.