වෛද්‍ය සාෆිට එරෙහිව පැමිණිලි කළ මවුවරුන් 17 දෙනෙකුට මේ වන විට දරුවන් ලැබී ඇති බවත් ඉන් 10 දෙනෙක් සිය පැමිණිලි ඉල්ලා අස්කරගෙන ඇති බවත් සමගි ජනබලවේගයේ මන්ත්‍රී නලින් බණ්ඩාර මහතා පවසනවා.
එබැවින් ආයතන සංග්‍රහයට අනුකූලව ඔහුව නැවත සේවයේ පිහිටුවීමට තීන්දුවක් ලැබුණද එම තීන්දුව ලද විගස රජය කලබල වී නැවත ඔහුට එරෙහිව චෝදනා නගමින් සිටින බවයි මන්ත්‍රීවරයා පවසන්නේ.
මේ සම්බන්ධයෙන් රජයේ වෛද්‍යවරුන්ගේ සංගමය දරන මතය දැණගැණීමට කැමති බවත් වෛද්‍ය පාදෙණියගේ දෙවන දරුවා ප්‍රසූත කිරීමේදී සිසේරියන් සැත්කම සිදුකර ඇත්තේද වෛද්‍ය සාෆි බවට තොරතුරු ලැබී ඇති බවත් එබැවින් වෙන කිසිවෙකු පෙනී නොසිටියත් වෛද්‍ය සාෆි වෙනුවෙන් පෙනී සිටිය යුතුව ඇත්තේ වෛද්‍ය පාදෙණිය මහතා බවත් ඔහු පවසනවා.
මෙහිදී වැඩිදුරටත් අදහස් දැක්වූ මන්ත්‍රීවරයා
“තමන්ගේ දරුවව ලබා ගන්න උදව් කරපු වෛද්‍යවරයා සාෆි. හැබැයි තමන්ගේ ආණ්ඩුවට කඩේ යන්න, තමන්ගේ තනතුරු ටික රැක ගන්න එදා වෛද්‍ය සාෆිව පාවලා දීලා අද මුණිවත රකිනවා. තවත් වරක් වෛද්‍ය සාෆි මහත්තයව පාවිච්චි කරන්න එපා කියලා අපි කරුණාවෙන් කියනවා.”
