වර්තමානය වන විට ආහාර වල සුරක්ෂිතතාවය පිළිබඳව බරපතළ ගැටලු මතුව ඇති බව හිටපු රේගු අධ්යක්ෂ සමන්ත ගුණසේකර මහතා පවසනවා.
අන්තර්ජාල නාලිකාවක් සමඟ විශේෂ සම්මුඛ සාකච්ඡාවක එක්වෙමින් ඔහු පෙන්වා දී ඇත්තේ වගකිව යුත්තන් සිය වගකීම පැහැර හැරීම සහ නීතියේ පවතින දුර්වලතා හේතුවෙන් මෙම තත්වය ඇතිවී ඇති බවයි.
මෙරට දී සිදුකරන ලද පරීක්ෂණයක දී ලුණු වල ප්ලාස්ටික් සංඝටක අඩංගු බව තහවුරු වූ සිදු වීමක් පිළිබඳව මෙන්ම දන්තාලේප ෂැම්පු වර්ග ඇතුළු බොහෝ ආලේපන වල පිළිකා උත්තේජක නැනෝ ප්ලාස්ටික් අන්තර්ගත බව ද ඔහු හෙළිකර තිබෙනවා.
මීට අමතරව කිරි ලෙස හදුන්වමින් අප භාවිතයට ගන්න බොහෝ සංඝටක කිරි නොවන බවට වූ අනාවරණයක් ද හිටපු රේගූ අධ්යක්ෂ සමන්ත ගුණසේකර මහතා මෙහිදී සඳහන් කර තිබෙනවා.
බොහෝ බහුජාතික සමාගම් සත්ය තොරතුරු වසන් කරමින් ජනතාව නොමඟ යැවීමට කටයුතු කරමින් සිටින බවත් බොහෝ මාධ්ය ආයතන මෙහි සැබෑ තත්වයන් ජනතාවට වසන් කරමින් සිටින බවත් මෙහිදී අනාවරණය කර තිබීම විශේෂත්වයක්.
ඊට අදාළ දර්ශන පහතින්,