අපරාධ සහ මත්ද්රව්ය වැටලීම සඳහා ක්රියාත්මක යුක්තිය මෙහෙයුම හරහා විශාල අයුක්තියක් සිදුවෙන බව හිටපු පාර්ලිමේන්තු මන්ත්රීනී හිරුණිකා ප්රේමචන්ද්ර මහත්මිය පවසනවා.
කොළඹ පැවති ප්රවෘත්ති සාකච්ඡාවකදී ඇය මේ බව සඳහන් කළා.
හිරුණිකා ප්රේමචන්ද්ර මහත්මිය පෙන්වා දෙන්නේ යුක්තිය මෙහෙයුමට නායකත්වය දෙන ප්රධානීන් වන අමාත්ය ටිරාන් අලස් සහ වැඩ බලන පොලිස්පති දේශබන්දු තෙන්නකෝන් යන දෙදෙනාටම චෝදනා එල්ල වන බවයි.
යුක්තිය මෙහෙයුම මඟින් කුඩු භාවිත කිරීමට ඇබ්බැහිවූවන් අත්අඩංගුවට ගන්න අතර එලෙස අත්අඩංගුවට ගත් පිරිසට දඬුවම් කිරීම නොව ඔවුන්ට ප්රතිකාර ලබා දීම සිදු කළ යුතු බවත් හිරුණිකා ප්රේමචන්ද්ර මහත්මිය මෙහිදී පවසා සිටියා.
ඇය මෙහිදී තවදුරටත් සඳහන් කළේ කුඩු ජාවාරම්වලට සම්බන්ධ සැබෑ කුඩු ජාවාරම්කරුවන් සිටින්නේ වැඩබලන පොලිස්පති දේශබන්දු තෙන්නකෝන් මහතාගේ සාක්කුවේ බවයි.
