ලබන 09 වනදා යළි බදු සංශෝධනය පනතක් ඉදිරිපත් නොවන බව මුදල් රාජ්ය අමාත්ය රංජිත් සියඹලාපිටිය මහතා පවසනවා.
ඊයේ (04) රුවන්වැල්ල ප්රදේශයේ වැඩසටහනකින් අනතුරුව මාධ්යවේදී ඉදිරිපත් කළ ප්රශ්ණයකට පිළිතුරු ලබාදෙමින් අමාත්යවරයා මේ බව කියා සිටියා.
එහිදී අමාත්යවරයා ප්රකාශ කළේ නව බදු පනතක් සම්බන්ධයෙන් මාධ්යවල පළවන වාර්තා සම්පුර්ණයෙන්ම අසත්යය බවයි.
“09 ව්නාද බදු සංශෝධන පනතක් ඉදිරිපත් වෙන්නේ නැහැ.බොහෝ විට ලබන සතියේ 13 හෝ වෙනත් දිනක ඉදිරිපත් වේවි. අනෙක් කාරණාව ඉදිරිපත් වෙන සංශෝධන කිසිවක් මෙවර අයවැය ලේඛණයට සම්බන්ධ නැහැ. අතුරු අයවැය ලේඛණයේ තිබුණු යම් යම් කරුණු මේ අයවැය ලේඛණයට පෙර ඉදිරිපත් වුණු කරුණු.
විශේෂ කාරණාව තමා යම් සංශෝධන නිසා කිසිම වෙලාවක භාණ්ඩවල මිල වැඩි වෙන්න හේතුවක් නැහැ. මොකද ඉදිරිපත් වන ගොඩක් සංශෝධන සෘජු බදු සම්බන්ධයෙන්.
වක්ර බද්දක් විදියට වැඩිවෙන්නේ එකම එක දෙයයි. ඒ එපාර්ට්මන්ට් වගේ ගොඩනැගිලි සඳහා වූ වැට් බද්ද වැඩිවෙනවා. කවුරු හරි අයෙක් ගොඩනැගිල්ල හදලා පළමුවර විකිණීමේ විතරයි ඒ බද්ධ අයත් වෙන්නේ. නමුත් නැවත විකුණනකොට මේ බද්ද අයත් වෙන්නේ නැහැ. මේ බදු සංශෝධන නීති බවට පත්වෙන්නේ බොහෝ විට ජනවාරි මාසයේ පළමු වනදා ඉඳන්. හැබැයි සියලු භාණ්ඩවල මිල ඉහළ යනවා කියන එක කොහොමත්ම සිදුවන්නේ නැහැ කියලා මම වගකීමෙන් කියනවා.”