27 C
Colombo
Friday, March 29, 2024

ජනාධිපතිවරයාගේ ප්‍රකාශය නිසා පොලිසිය සෞඛ්‍ය සේවකයන්ට බාධා කරනවා (වීඩියෝ)

- Advertisement -

සෞඛ්‍ය සේවාව යනු වෛද්‍යවරුන් පමණක් යැයි බොහෝ දෙනා සිතාගෙන සිටින බවත්, රෝහල් යනු වෛද්‍යවරුන් හැර තවත් සෞඛ්‍ය සේවකයන් විශාල පිරිසක් සේවය කරන ස්ථානයක් බව පොලීසියේ ඉහළ නිළධාරීන් පවා නොදැනුවත්ව කටයුතු කරන බවත් සෞඛ්‍ය වෘත්තීයවේදීන්ගේ විද්වත් සංගමය පවසනවා.

මෙම තත්වය හමුවේ වෛද්‍යවරුන් හැර සෙසු සෞඛ්‍ය සේවකයන්ට බරපතල අසාධාණයක් සිදුව ඇති බවයි එම සංගමයේ සභාපති රවී කුමුදේශ් මහතා පෙන්වා දෙන්නේ.

රටපුරා සංචරණ සීමා පනවා තිබියදී රෝහල්වල කටයුතු අඛණ්ඩව පවත්ව‍ාගෙන යාමට සෞඛ්‍ය සේවකයන්ට සේවයට වාර්තා කිරීමට අවසර ලබා දී ඇති නමුත් ඒ සඳහා පොලීසියෙන් විවිධ බලපෑම් එල්ල වන බව කුමුදේශ් මහතා පවසනවා. මීට හේතුව වී තිබෙන්නේ පොලීසියේ ඉහළ බළධාරීන් විසින් මාර්ගවල රාජකාරි කරන සාමාන්‍ය පොලිස් නිළධාරීන් නිසි පරිදි දැනුවත් නොකිරීම බවද ඔහු සඳහන් කරනවා.

සෞඛ්‍ය සේවාව පවත්වාගෙන යාම සඳහා වෛද්‍යවරුන් පමණක් නොව තවත් විශාල සේවකයන් පිරිසක් සම්බන්ධ වී සිටින බවත් ඒ පිළිබඳව පොලීසිය දැනුවත්ව නොමැති නම් සේවාවලින් ඉවත් වී හෝ ඒ පිළිබඳව රටට දැනීමට ඉඩ හැරීමට සෞඛ්‍ය සේවකයන්ට සිදුවන බවත් රවී කුමුදේශ් මහතා පවසනවා.

වෛද්‍යවරුන් යැයි සීල් ගසා‍ගෙන සෙසු පුද්ගලයන් සංචරණ සීමා කඩ කරන බවට ජනාධිපතිවරයා පසුගියදා සිදුකළ ප්‍රකාශය පදනම් කර ගනිමින් පොලිස් නිළධාරීන් සෞඛ්‍ය සේවකයන්ට බාධා කරන බව පෙන්වා දෙන රවී කුමුදේශ් මහතා පවසන්නේ ජනාධිපතිවරයා පවා ‍රෝහලක් පාලනය වන්නේ කෙසේද යන්න පිළිබඳව නිවැරදි අවබෝධයකින් කටයුතු නොකරන්නේද යන සැකය මතුවන බවයි.

RECENT ARTICLES - SINHALA

ජනපති සටනට මමත් එනවා – පාඨලී

එළඹෙන ජනාධිපතිවරණයට ඉදිරිපත් වීමට තමා සූදානම් බව එක්සත් ජනරජ පෙරමුණේ නායක පාර්ලිමේන්තු මන්ත්‍රී පාඨලී චම්පික රණවක මහතා පවසනවා. එක්සත් ජනරජ පෙරමුණේ නායක පාර්ලිමේන්තු මන්ත්‍රී පාඨලී...

ඥානසාර හිමිට ලබාදුන් දඬුවමට එරෙහිව අභියාචනයක්

පූජ්‍ය ගලගොඩඅත්තේ ඥානසාර හිමියන්ට කොළඹ මහාධිකරණය ලබාදුන් දඬුවමට එරෙහිව අභියාචනයක් ඉදිරිපත් කළ බව රාවණා බලය සංවිධානයේ මහලේකම් පූජ්‍ය ඉත්තෑකන්දේ සද්ධාතිස්ස හිමියන් පවසනවා. කූරගල විහාරස්ථානය සම්බන්ධයෙන්...

මුහුදුබඩ දුම්රිය ධාවනයේ ප්‍රමාදයක් ගැන දැනුම් දීමක්

දුම්රිය දෙපාර්තමේන්තුව සදහන් කළේ අද(29) හෙට සහ අනිද්දා මුහුදුබඩ මාර්ගයේ දුම්රිය ධාවනය විමේ ප්‍රමාදයක් සිදුවිය හැකි බවයි. දුම්රිය නියෝජ්‍ය සාමාන්‍යාධීකාරී එන්.ජේ. ඉදිපොළගේ කියා සිටියේ බම්බලපිටිය...

POPULAR ARTICLES

කංචන පොහොට්ටු රැස්විමේ යකා නටලා

ශ්‍රී ලංකා පොදු ජන පෙරමුණේ විධායක සභා රැස්වීමේදී අමාත්‍ය කංචන විජේසේකර මහතා සහ හිටපු ජනාධිපති ගෝඨාභය රාජපක්ෂ මහතාගේ උපදේශකයෙකු වූ එරන්ද ගිනිගේ මහතා අතර...

අද ඩොලරය

ශ්‍රී ලංකා මහ බැංකුව විසින් අද (26) දින නිකුත් කරන ලද දෛනික විනිමය අනුපාතික සටහනට අනුව එක්සත් ජනපද ඩොලරයක ගැනුම් මිල රු. 297.63ක් ලෙස...

කෙහෙළියට අධිකරණය දුන් නියෝගය

ව්‍යාජ එන්නත් සිද්ධියට අත්අඩංගුවට ගෙන රක්ෂිත බන්ධනාගාර ගත කර සිටින හිටපු අමාත්‍ය කෙහෙළිය රඹුක්වැල්ල මහතා ඇතුළු සැකකරුවන් 9 දෙනා අප්‍රේල් මස 08 වනදා දක්වා...