32 C
Colombo
Thursday, March 28, 2024

ඩල්ස් – සජිත් මිතුදම ඇරඹේ..!

- Advertisement -

විපක්ෂයත් ආණ්ඩු පක්ෂයත් අතර අද දිනයේ ගොඩනැගී ඇත්තේ, මතවාදයකට වඩා සම්මුතිවාදයක් බව පාර්ලිමේන්තු මන්ත්‍රී ඩලස් අලහප්පෙරුම පවසනවා.

ඒ, අද (19) පාර්ලිමේන්තු පරිශ්‍රයේදී අනුප්‍රාප්තික ජනාධිපති ධූර අපේක්ෂක ඩලස් අලහප්පෙරුම සහ විපක්ෂ නායක සජිත් ප්‍රේමදාස සහභාගී වූ විශේෂ මාධ්‍ය හමුව අමතමින්.

එහිදී වැඩිදුරටත් අදහස් දක්වමින් ඩලස් අලහප්පෙරුම පවසා සිටියේ, අද දිනය “සම්මුතියේ දිනය” ලෙස නම් කරන ලෙසයි.

“විශේෂයෙන්ම ආර්ථික වශයෙන් බරපතළ අර්බුදයකට පත්වුණ වේලාවක් මේක. බොහෝ වේලාවට දියවන්නාවෙන් වට වුණු පාර්ලිමේන්තු දූපතේ ඉන්න දූපත්වාසීන්ට තේරුම් ගන්න බැරි වුණා දුපතෙන් එළියේ ජනතාවගේ හඬ. ඔවුන් ඉල්ලා සිටියේ මේ දේශපාලන සංස්කෘතිය වෙනස් කරන්න කියලා. මිනිසුන් වෙනුවෙන් එකතුවෙන්න කියලා. අන්න ඒ එකතුවයි මේ වෙලා තියෙන්නේ. බලලෝභීව නෙමෙයි. මම කෘතඥය වෙනවා විපක්ෂ නායකතුමාට ඊයේ දවස වෙනකල් පක්ෂයක් විදියට තීන්දු අරගෙන තිබුණා එතුමාත් මැතිවරණයට ඉදිරිපත් වෙනවා කියලා. මම එතුමාට ස්තූතිවන්ත වෙනවා. එතුමා විශාල කැපකිරීමක් කළා. ඒක කෘතවේදීත්වයේ කැපකිරීමක්. මට ඒ පිළිබඳ කියන්න කිසිදු චකිතයක් නෑ. මීට පසසේ අපි රටින් ඉල්ලන්නේ, පාර්ලිමේන්තුවේ මේ ලබාදුන් පරමාදර්ශය ජාතීන්, පක්ෂ ලෙස බෙදෙන්නේ නැතුව රටේ පරමාදර්ශය බවට පත්කර ගන්න. එහෙම නැතුව එක පක්ෂයකට, එක නායකයෙකුට මේ අර්බුදයෙන් රට ගොඩනගන්න බෑ. අන්න ඒ යථාර්ථයටයි අපි හිස නැමුවේ. මේ රටේ ප්‍රශ්නවලින් මිනිස්සුන්ව මුදවා ගන්න ඕනේ කියන අධිෂ්ඨානය අද දවසේ ඇති කරගමු කියලා මම යෝජනා කරනවා. අද නාමයෝජනා භාරදුන්න අයටත් අපි ආරාධනා කරනවා. අපි කණ්ඩායම් ලෙස ජනතාවගේ හැඟීම් තේරුම් ගෙන සම්මුතියේ දිනය යථාවත් කරමු.”

රටේ ජනතාවට ප්‍රජාතන්ත්‍රවාදී අයිතිවාසිකම් දිනා දෙමින්, 19 වන ව්‍යවස්ථා සංශෝධනය නැවත බලාත්මක කිරීමත් රට ආර්ථික සමාජ සංස්කෘතික වශයෙන් පෙරට රැගෙන යාමත් උදෙසා කැප වෙමින් මෙම තීන්දුව ගත් බව විපක්ෂ නායක සජිත් ප්‍රේමදාස පවසනවා.

මේ රටේ ජනතාවගේ අපේක්ෂාවන් මල්ඵල ගැන්වීම තමයි ඒකායන පරමාර්ථය බව පැවසූ විපක්ෂ නායකතුමා ඒ වෙනුවෙන් ඇප කැපවෙන බවද මෙහිදී පවසා සිටියා.

“මේ කැපකිරීම අපි කළේ පොදු ජනයා වෙනුවෙන්. පෞද්ගලික දේශපාලන ජයග්‍රහණ රටේ ජයග්‍රහණ බවට පත්විය යුතුයි. පාර්ලිමේන්තුවේ දේශපාලන පක්ෂ අති මහත් බහුතරයක් අද අපත් සමග එකතුවෙලා තිබෙනවා මේ නැවුම්, නිර්මාණශීලි අලුත් ගමනට එකතු වෙන්න. මේ ගමනේ ඒකායන අරමුණ, රට ශක්තිමත් කර, රට ආරක්ෂා කර, පොදු ජනයා ජීවත් කරවීම. මේ මොහොතේ රට වැටී තිබෙන ආර්ථික, සමාජීය, අර්බුදය ගොඩ ඒම අභියෝගාත්මක කාර්ය භාරයක්. නමුත් එය අමාරුවෙන් හෝ ගඩොලින්, ගඩොල වැලි කැටයෙන් වැලි කැටය රට ගොඩනැගීමේ ඒ ප්‍රශස්ථ සැලැස්ම අප සතුව තිබෙනවා. එය ක්‍රියාත්මක කිරීමේ කුසලතාවයෙන් හෙබි ප්‍රබුද්ධ කණ්ඩායම අප සතුව තියෙනවා. දැන් අපට කළයුතුව තිබෙන්නේ, ඒ නිර්මාණශීලි සැලසුම් මහපොළොවේ යථාර්ථයක් බවට පත්කිරීමයි.”

RECENT ARTICLES - SINHALA

එන්නතකින් පසු පාසල් සිසුන් 10 ක් රෝහලේ

කළුතර ප්‍රසිද්ධ පාසලක අද (28) දහවල් සිසුන්ට ලබාදුන් එන්නතක් විසවීමෙන් සිසුන් දස දෙනෙකු පමණ රෝහල් ගතකර තිබෙනවා. කළුතර නාගොඩ ශීක්ෂණ රෝහල් ආරංචි මාර්ග පවසන්නේ...

කාන්තාවකට පහරදී රන් භාණ්ඩ සොරාගෙන

හෝමාගම දුම්රිය පොළ පාරේ ප්ලාස්ටික් භාණ්ඩ අලෙවි සැලක හිමිකරුවකුගේ නිවසකට ඇතුළු වූ පුද්ගලයෙකු එහි කාන්තාවකට තියුණු ආයුධ ප්‍රහාරයක් එල්ල කොට රුපියල් ලක්ෂ දොළහක් පමණ...

උද්ධමනය පහළට

මෙරට මාසික පාරිභෝගික උද්ධමනය 2024 පෙබරවාරි මාසයට සාපේක්ෂව 2024 මාර්තු මාසයේ පහළ ගොස් ඇති බව ජන ලේඛන හා සංඛ්‍යා ලේඛන දෙපාර්තමේන්තුව නිවේදනය කරනවා. ජන ලේඛන...

POPULAR ARTICLES

අද ඩොලරය

ශ්‍රී ලංකා මහ බැංකුව විසින් අද (26) දින නිකුත් කරන ලද දෛනික විනිමය අනුපාතික සටහනට අනුව එක්සත් ජනපද ඩොලරයක ගැනුම් මිල රු. 297.63ක් ලෙස...

කංචන පොහොට්ටු රැස්විමේ යකා නටලා

ශ්‍රී ලංකා පොදු ජන පෙරමුණේ විධායක සභා රැස්වීමේදී අමාත්‍ය කංචන විජේසේකර මහතා සහ හිටපු ජනාධිපති ගෝඨාභය රාජපක්ෂ මහතාගේ උපදේශකයෙකු වූ එරන්ද ගිනිගේ මහතා අතර...

අරක්කු මිල පහළට?

එළඹෙන සිංහල හා හින්දු අලුත් අවුරුද්දට පෙර සුරා බද්ද අඩු කළහොත් ගල් අරක්කු බෝතලයක මිල අඩු කළ හැකි බව නිෂ්පාදන සමාගම් සුරාබදු දෙපාර්තමේන්තුවට දැනුම්...