වංශකතාවල ලියැවී ඇති බොහෝ චරිත ම්ලේච්ඡ බව ජනතා විමුක්ති පෙරමුණේ දේශපාලන බලමණ්ඩල සභික සුනිල් හඳුන්නෙත්ති පවසනවා.
ඒ, යූ ටියුබ් නාලිකාවක සම්මුඛ සාකච්ඡාවකට සහභාගී වෙමින්.
කිසිඳු අරගලයක් සාමකාමී නොවන බවත් වීර පුරන් අප්පු, ගොංගාලේගොඩ බණ්ඩා, කැප්පෙටිපොල, සහ දුටුගැමුණු දුටු ගැමුණු වැනි ඉතිහාසයේ චරිත ද ම්ලේච්ඡ බවත් ඔහු පවසනවා.
තවද, රනිල් වික්‍රමසිංහගේ නිවසට ගිනිතැබීම ද සාමකාමී ක්‍රියාවක් බවයි ඔහු පවසන්නේ
ප්‍රශ්නය –
“එතකොට ජනාධිපතිවරයාගේ ගෙදරට ගිනිතියපු එකත් සාමකාමීද ?”
හඳුන්නෙත්ති –
“ඔව් ! සාමකාමීයි !”
ප්‍රශ්නය –
“ඒ කොහොමද ?”
හඳුන්නෙත්ති –
“තුවක්කු පැත්තකින් තියලා එයා සාකච්ඡා කරන්න ආවා නම් ගිහිල්ලා කතා කරනවානෙ ? එයා ජනාධිපති හින්දා සාකච්ඡා කරන්න ආවා නම් කතා කරනවානෙ ? එයා වෙඩිතිබ්බ හින්දානෙ, එයා කඳුළු ගෑස් ගහපු හින්දානෙ මේ පැත්තෙන් ඒ විදියට ගියෙ ?”
ප්‍රශ්නය –
“ඒක ම්ලේච්ඡත්වය නෙවෙයිද ?”
හඳුන්නෙත්ති –
“ඉතිං දෙකම ම්ලේච්ඡත්වයනෙ ? (සිනාසෙයි) ඉතින් කිසි අරගලයක් සාමකාමී නෑනෙ ? අරගල කියන්නෙ එහෙම තමයි. ඉතින් ඔය විදියට බැලුවොත් දුටුගැමුණු රජ්ජුරුවන්ගේ නැගිටීමත් ම්ලේච්ඡයි. ඉතිහාසයේ ගත්තොත් එහෙම මොකක්වත් ම්ලේච්ඡ නැති අරගල නෑනෙ ? වීර පුරන් අප්පු, ගොංගාලේගොඩ බණ්ඩා, කැප්පෙටිපොල, ඊට කලින් දුටුගැමුණු, ඔය මහා වංශකතාවල ලියන ඔක්කොම ඉතින් ම්ලේච්ඡයිනෙ ?”
