රට තුල පවතින අර්බුදයන් හේතුවෙන් මෙරට ජනතාව ඉන්දියාව වෙත පලායන බවට විදෙස් මාධ්‍ය වාර්තා කරනවා.
යාපනයේ කාකතිව් ප්‍රදේශයේ පදිංචිව සිටි පවුල් 5කට අයත් පුද්ගලයන් 15 දෙනෙක් ඉන්දියාවට පලායාමට උත්සහ කිරීමේදී ඉන්දියාවේ රාමේෂ්වරම් පොලිසිය විසින් පසුගියදා අත්අඩංගුවට ගනු ලැබුවා.
ඉන්දීය පොලිසිය විසින් මෙරට පුරවැසියන් 75 දෙනෙකු පමණ මෙලස මේ වන විට අත්අඩංගුවට ගෙන ඇති බවයි එරට මාධ්‍ය වාර්තා කර සිටින්නේ.
මේ අතර ඇමරිකා එක්සත් ජනපදයේ ජෝන් හොප්කින්ස් විශ්ව විද්‍යාලයේ සංඛ්‍යා ලේඛන වලට අනුව උද්ධමනය අතින් ලොව රටවල් අතර ශ්‍රී ලංකාව මේ වන විට 3වන ස්ථානයේ පසුවනවා.
එහි සුප්‍රසිද්ධ ආර්ථික විශ්ලේෂකයකු වන ස්ටීව් හෑන්ක් මහතා පෙන්වා දෙන්නේ ලොව වැඩිම උද්ධමනයක් සහිත රට සිම්බාබ්වේ රාජ්‍ය වන බවයි. ඊට අනුව ලොව වැඩිම උද්ධමනය සහිත දෙවන රට ලෙබනනය වන අතර ශ්‍රී ලංකාව තුන්වන ස්ථානය හිමිකර ගෙන තිබෙනවා.
එහි සිව්වන ස්ථානය තුර්කිය හිමිකර ගනිද්දී වෙනිසිව්ලාව හිමිකරගෙන ඇත්තේ පස්වන ස්ථානයයි.
