වෙළෙඳපොළේ බිත්තර මිල ඉදිරියටත් අඩුවීමක් සිදුවිය හැකි බව සමස්ත ලංකා කුකුල් ව්යාපාරිකයන්ගේ සංගමයේ සභාපති මාතලී ජයසේකර මහතා පවසනවා.
අද (21) උදෑසන මාධ්ය වෙත අදහස් දක්වමින් සභාපතිවරයා මේ බව සඳහන් කළා.
ඔහු පවසන්නේ, මේ වනවිට වෙළඳපොළේ බිත්තර මිල රුපියල් 28ක් දක්වා පහත වැටී ඇති බවයි.
උත්සව සමයේ දී වෙළෙඳපොළේ බිත්තර මිල වැඩිවෙතැයි අපේක්ෂාවෙන් තොග රැස්කරගෙන සිටි පුද්ගලයින් එම බිත්තර තොග වෙළඳපොළට නිකුත් කිරිමත් සමඟ ඉදිරියේ දී තව දුරටත් බිත්තර මිල අඩුවිය හැකි බව ඔහු පැවසුවා.
එමෙන්ම උත්සව සමයේ දී බිත්තර සහ කුකුළු මස් හිඟයකින් තොරව පාරිභෝගිකයාට ලබාගත හැකි බව ද ඔහු කියා සිටියා.
එමෙන්ම උත්සව සමයේ දී බිත්තර සහ කුකුළු මස් හිඟයකින් තොරව පාරිභෝගිකයාට ලබාගත හැකි බවද මාතලී ජයසේකර මහතා මෙහිදී පැවසුවා.
මේ අතර සත්ව ආහාර මිල ඉහළ යාමත් බිත්තර විකිණුම් මිල අඩු අගයක පැවතීමත් තුළ තමන් දැඩි ගැටලුවක මුහුණ දී ඇති බව කුකුල් නිෂ්පාදකයින් පවසනවා.
