ඇෆ්ගනිස්තානයේ බටහිර කාබුල් ප්‍රදේශයේ දී කුඩා දරුවන් අටදෙනෙකු අහාර නොමැතිකම හේතුවෙන් මියගොස් ඇති බව වාර්තා වේ.
හිටපු ඇෆ්ගනිස්තාන මන්ත්‍රීවරයෙකු වන හජී මොහොමඩ් උපුටා දක්වමින් ස්පුට්නික් පුවත් සේවය වාර්තා කළේ හසාරා සුලුතරයේ ළමුන් මෙලෙස විපතට පත්ව ඇති බවයි.
දිළිදුකම සහ ආහාර හිගය හේතුවෙන් ඇෆ්ගනිස්තානයේ හසාරා සුලුතර ප්‍රජාව දැඩි දුෂ්කරතාවයන්ට මුහුණ දී සිටින බව ද අදාළ මාධ්‍ය වාර්තාවේ දැක්වේ.
මෙම ගැටලුවලට අමතරව හසාරාවරුන්ට තලේබාන් සංවිධානයේ ඝාතන, පහරදීම් ඇතුළු ප්‍රචණ්ඩ ක්‍රියාවලට මුහුණ දීමට සිදුව ඇති බවද එම වාර්තා වැඩිදුරටත් පවසයි.
