චීනයේ ගුයැන්ග් හි කම්හලක විෂ රසායනික ද්රව්යයක් කාන්දු වීමෙන් පුද්ගලයින් අට දෙනෙකු මියගොස් තවත් තිදෙනෙකු තුවාල ලබා ඇතැයි බලධාරීන් පවසයි.
චීන මාධ්ය වාර්තා කර ඇති පරිදි මෙම අනතුර සිදුව ඇත්තේ කම්කරුවන් පිරිසක් විසින් මෙතිල් ෆෝමෙට් රසායනික තොගයක් වාහනයකින් ඉවත් කරමින් සිටියදී ය.
මෙතිල් ෆෝමෙට් විවිධ රසායනික ක්රියාවලීන් සඳහා මෙන්ම කෘමිනාශකයක් ලෙස භාවිතා කරන රසායනික ද්රව්යයක් වේ.
එය සමට අහිතකර වන අතර ආශ්වාස කළහොත් විෂ සහිත විය හැකිය.
චීන ආර්ථිකය රසායනික ද්රව්ය හා කර්මාන්ත කෙරෙහි නැඹුරු වූවක් වන බැවින් මෙවැනි මාරාන්තික අනතුරු එහි සුලබ තත්ත්වයකි.
සිදුවීම සම්බන්ධයෙන් වැඩිදුර විමර්ශනයන් සිදු කෙරෙමින් පවතී.