වාහන ආනයනයේදී විදුලි මෝටර් රථ ආනයනයට ප්‍රමුඛතාවය ලබාදෙන බව ජනාධිපති ගෝඨාභය රාජපක්ෂ මහතා පවසනවා.
ඒ, අද (18) දින 09 වන පාර්ලිමේන්තුවේ දෙවන සැසිවාරය ආරම්භයේදී එහි රාජාසන කතාව සිදු කරමින්.
එම මෝටර් රථ සඳහා අවශ්‍ය විදුලිය ලබාදීමේදී ඊට පුනර්ජනනීය විදුලිය ලබාගැනීම සම්බන්ධව අවධානය යොමු කරන බවයි ජනාධිපතිවරයා පවසන්නේ.
සෞභාග්‍යයේ දැක්ම ප්‍රතිපත්ති ප්‍රකාශයට අනුව 2030 වසර වන විට රටේ බලශක්ති අවශ්‍යතාවයෙන් විශාල ප්‍රමානයක් පුනර්ජනනීය ප්‍රභවයන්ගෙන් ලබාගැනීමට බලාපොරොත්තු වන බවත් වසර පුරා සූර්‍ය එළිය, රට වටා මුහුද, සුළඟ මෙන්ම ජලාශද නොඅඩුව ඇති මෙරටටට එය අපහසු කාර්‍යයක් නොවනු ඇති බවයි ඒ මහතා පෙන්වා දෙන්නේ.
ගල් අඟුරු හෝ ඛණිජ තෙල් නොමැති මෙරටට ඒ ආශ්‍රිතව ඉදි වී ඇති බලාගාර ක්‍රමය නොගැලපෙන බවත් ඒ මහතා පෙන්වා දෙනවා.
