ඇඹිලිපිටිය, මාතර හා සපුගස්කන්ද පෞද්ගලික බලාගාරවලින් විදුලි බලය ලබාගැනීම ලබන වසරේ අප්‍රේල් මස සිට අත්හිටුවීමට තීරණය කිරීම නිසා මෙගාවොට් 270ක විදුලිය හිඟයක් ඇතිවනු ඇතැයි විදුලිබල අමාත්‍යාංශය කියා ඇත.
ඒ අනුව මෙගාවොට් 100 ඇඹිලිපිටිය ඒස් පවර් විදුලි බලාගාරය, මෙගාවොට් 20 මාතර ඒස් පවර් විදුලි බලාගාරය, මෙගාවොට් 50 සපුගස්කන්ද ඒසියා පවර් විදුලි බලාගාරවලින් විදුලිය ලබා ගැනීම නතර කිරීමට විදුලිබල අමාත්‍යාංශය තීන්දු කර ඇත.
මෙම විදුලි බලාගාර තුන සමග සාකච්ඡා කර 2023 දක්වා විදුලිය ලබාගැනීමට හැකියාව ඇති බවද විදුලිබල අමාත්‍ය ඩලස් අලහපෙරුම අමාත්‍ය මණ්ඩල පත්‍රිකාවක් ඉදිරිපත් කරමින් අමාත්‍ය මණ්ඩලය දැනුවත් කිරීමටද නියමිතය.
තවද, වසර දහයක කාලයක් සඳහා මෙගාවොට් 200ක මධ්‍යකාලීන දැවිතෙල් විදුලි බලාගාරයක් ඉදිකිරීම, මෙගාවොට් 24ක ඔටෝ ඩීසල් බලාගාරයක් ඉදිකිරීම සඳහාද විදුලිබල අමාත්‍යාංශය යෝජනා ඉදිරිපත් කර ඇත.
(මූලාශ්‍රය අරුණ පුවත්පත)
