මහනුවර දළදා පෙරහැරේ අවසන් රන්දෝලි පෙරහැර අද (22) පැවැත්වුණා.
මෙම පෙරහැරට සහභාගී වූ කතරගම දේවාලයේ ඇතුන් දෙදෙනෙකු කුලප්පුවීම නිසා පෙරහැර ගමන්කිරීමට බාධා එල්ලවුණා.
කුලප්පු වූ ඇතුන් දෙදෙනා කතරගම දේවාලයේ කරඩුව රැගෙන යන ඇතා අසලට පැමිණීමත් සමඟ එම ඇතා සමග සිටි තවත් ඇතුන් දෙදෙනෙකුද කුලප්පූවී කළබල සිදුකල බව අප වාර්තාකරු සදහන් කළා.
කෙසේ වෙතත් සිදුවීමෙන් කිසිවෙකුටත් හානි සිදුවී නොමැති අතර කුලප්පු වූ ඇතුන් දෙදෙනා ඉවත් කර ප්‍රමාදයකින් පසුව යළිත් කතරගම දේවාලයේ අනෙකුත් ඇතුන් තිදෙනා සමඟ පෙරහැර යළි ගමන් අරඹා තිබෙනවා.
