පකිස්තානය පෙර නොවූ විරූ බලශක්ති අර්බුදයකට මුහුණ දී තිබෙන බව වාර්තා වේ.
එරට ආර්ථික විශ්ලේෂකයන් විසින් පසුගිය වර්ෂය බලශක්ති මිල අධික වසරක් ලෙස හඳුන්වා දී ඇත්තේ බලශක්තිය සහ සම්බන්ධ ගෑස්, විදුලිය සහ ඉන්ධන මිල අධික ලෙස ඉහළයාම හේතුවෙන්.
නිරන්තර බලශක්ති හිඟය සාමාන්‍ය ජන ජීවිතයට මෙන්ම කාර්මික නිෂ්පාදනයට ද බාධා ඇති කර ඇති බව එරට වාර්තාවල දැක්වේ.
මෙය අපනයනයට ද බලපා ඇති බවත් පෙර නොවූ විරූ විදුලි අර්බුදය, වැරදි කළමනාකරණය සහ ගැටලු යථා තත්ත්වයට පත් කිරීමේ සැලැස්මක් නොමැතිකම රට ආර්ථික ව්‍යසනයකට තල්ලු කර ඇති බවත් සදහන් කරමින් එරට විපක්ෂය විසින් විරෝධතා ව්‍යාපාර ගණණාවක් ආරම්භ කර ඇතැයි ද සදහන් වේ.
