චීන කොමියුනිස්ට් පක්ෂය ශ්රම බලකායේ ප්රමාණය වැඩි කිරීමේ අරමුණින්, අඩුවෙමින් පවතින ජනගහනයට බාධකයක් තැබීම සඳහා, රටේ උපත් අනුපාතය වැඩි කිරීමට උත්සාහ කරමින් සිටින බව වාර්තා වේ.
මානව හිමිකම් උල්ලංඝණය කිරීම චීනයේ විවිධ ආකාරවලින් ක්රියාත්මක වන බවත් බලහත්කාරයෙන් උපත් අනුපාතිකය වැඩි කිරිමේ ක්රමය එහි එක් ප්රධාන උල්ලංඝණයක් බවත් විශේඥයෝ පෙන්වා දෙති.
බලහත්කාර උපත් පාලන ක්රම මානව හිමිකම් උල්ලංඝණය කිරීමක් බව ඇම්නෙස්ටි ජාතයන්තර ආයතනය මීට පෙර ප්රකාශ කර තිබූ අතර, මිනිසුන් හට කොපමණ දරුවන් සංඛ්යාවක් සිටිනවාද යන්න නියාමනය කිරීමට රජයට නොහැකි බව හොංකොං පෝස්ට් පෙන්වා දී තිබේ.
පසුගිය වසරේ, බීජිං නව ජනගහන සහ පවුල් සැලසුම් නීතියක් නිකුත් කරන ලද අතර එය චීන යුවලකට දරුවන් තිදෙනෙකු ලැබීමට ඉඩ සලසනු ලැබීය.
කෙසේවෙතත්, ඉහළ යන වියදම් හේතුවෙන් අමතර දරුවන් ලැබීමට ඔවුන් අකමැත්තක් දක්වන බව සදහන් වේ.
2020 දී දශකයකට වරක් සිදු වූ සංගණනයෙන් පසුව තුන්වන දරුවාට අවසර දීමේ තීරණය ක්රියාත්මක කරන ලද්දේ චීනයේ ජනගහනය ඉතිහාසයේ මන්දගාමීම වේගයකින් අඩු වී බිලියන 1.412 ක සෘණ ජනගහන වර්ධනයක් පෙන්නුම් කිරීම හේතුවෙනි.
සංගණන දත්තවලට අනුව, වයස අවුරුදු 60 ට වැඩි පුද්ගලයින් මිලියන 264 දක්වා සියයට 18.7 කින් වැඩි වීමත් සමග චීනයේ ශක්තිමත් ශ්රම බලකායට බලපෑම් එල්ල වී ඇති බව සදහන් වේ.