25 C
Colombo
Friday, March 29, 2024

ඉංග්‍රීසි ලංකාවේ ජාතික භාෂාවක් නොවේ..! – ඇමති වාසු

- Advertisement -

ඉංග්‍රීසි භාෂාව යනු ශ්‍රී ලංකාවේ ජාතික භාෂාවක් නොවන බව ජල සම්පාදන අමාත්‍ය වාසුදේව නානායක්කාර මහතා පවසනවා.

ඉංග්‍රීසි භාෂාව සම්බන්ධීකරණ භාෂාවක් පමණක් බවයි අමාත්‍යවරයා පෙන්වා දෙන්නේ.

එමෙන්ම, මහාධිකරණ තීන්දු ඉංග්‍රීසි භාෂාවෙන් පමණක් ප්‍රකාශයට පත්කිරීම හේතුවෙන් ඉංග්‍රීසි බස නොදත් බහුතර ජනතාවට අසාධාරණයක් සිදුවන බවත් අමාත්‍යවරයා පවසනවා.

මෙරට ප්‍රධානතම ජාතික භාෂාවන් ලෙස ආණ්ඩු ක්‍රම ව්‍යවස්ථාව මඟින් නීතිගත කර ඇත්තේ සිංහල සහ දමිල භාෂාවන් බවත් ඒ අනුව රාජ්‍ය ආයතන, ව්‍යවස්ථාපිත මණ්ඩල, මහා මාර්ග පුවරු, ගමනා ගමන සේවා වැනි අත්‍යාවශ්‍ය ප්‍රසිද්ධ මහජන සේවාවන් මෙන්ම පාර්ලිමේන්තුව, පළාත් සහා සහ පළාත් පාලන ආයතනයන් වෙත ද මෙම තත්ත්වය ව්‍යවස්ථානුකූලව වලංගු වන බවත් ඔහු පෙන්වා දෙනවා.

“එසේ වුවත්, මහාධිකරණය මඟින් නිකුත් කරන තීන්දු ප්‍රකාශට පත්කිරීමේ දී ඒවා ඉංග්‍රීසි භාෂාවෙන් පමණක් නිකුත් වීම බොහෝ අවස්ථා ගැටලු සහගත මෙන්ම නිසි පරිදි ඉංග්‍රීසි භාෂාව නොදත් බහුතර ජනතාවකට සිදුවන අසාධාරණයක්.

ජාත්‍යාන්තර පිවිසුම සඳහා විදේශීය දැනුමට, අධ්‍යාපනයට සහ ජාත්‍යාන්තර සම්බන්ධීකරණ කටයුතු සඳහා ඉංග්‍රීසි භාෂාව අත්‍යාවශ්‍ය සහ වැදගත් භාෂාවක් වන අතර එය ශ්‍රී ලංකාව තුල ජාතික භාෂාවක් නොවන අතර එය සම්බන්ධීකරණ භාෂාවක් පමණ‍යි.

එසේ හෙයින්, මහාධිකරණ කටයුතු වලදී අදාල තීන්දු නිවේදන ප්‍රකාශයට පත්කිරීමේ දී සිංහල සහ දෙමළ භාෂා වලින් ද නිකුත් කිරීම විශේෂයෙන් වැදගත් වන අතර එසේ සිදුකිරීම තුලින් ජාතීන් අතර සමඟිය සහ සමාජ ඒකාබද්ධතාවය ද ගොඩනැඟෙයි.” යැයි අමාත්‍යවරයා නිවේදනයක් නිකුත් කරමින් පවසනවා.


RECENT ARTICLES - SINHALA

අද අපි සිංහල අවුරුද්ද සමරන්නේ ජනපති නිසා – වජිර

පසුගිය වසර තුනක කාලයක් අලුත් අවුරුද්ද සැමරීමට ජනතාවට අවස්ථාව හිමි නොවු බව පාර්ලිමේන්තු මන්ත්‍රී වජිර අබේවර්ධන මහතා පවසනවා. නමුත් රටේ සියලු ජනතාවට මෙවර අලුත් අවුරුද්ද...

මහරගම බෝ ගසේ අත්තක් කඩා වැටී දෙදෙනෙකුට තුවාල

මහරගම නගරයේ පිහිටි බෝ ගසක අත්තක් කඩා වැටී තිබෙනවා. මෙයින් පුද්ගලයින් දෙදෙනෙකු තුවාල ලබා තිබෙන බව පොලිසිය පවසනවා. මේ හේතුවෙන් හයිලෙවල් මාර්ගයේ දැඩි රථවාහන තදබදයක් පවතින...

බාෂික් ව අත්අඩංගුවට ගැනීමට එරෙහි අතුරු තහනම් නියෝගය දීර්ඝ කෙරේ

පොලිස් මත්ද්‍රව්‍යනාශක කාර්යාංශය විසින් නදිම් බාෂික් නමැත්තකු අත්අඩංගුවට ගැනීම වළක්වාලමින් නිකුත්කර තිබෙන අතුරු තහනම් නියෝගය අප්‍රේල් 29 වනදා දක්වා තවදුරටත් දීර්ඝ කරන ලෙස අභියාචනාධිකරණය...

POPULAR ARTICLES

කංචන පොහොට්ටු රැස්විමේ යකා නටලා

ශ්‍රී ලංකා පොදු ජන පෙරමුණේ විධායක සභා රැස්වීමේදී අමාත්‍ය කංචන විජේසේකර මහතා සහ හිටපු ජනාධිපති ගෝඨාභය රාජපක්ෂ මහතාගේ උපදේශකයෙකු වූ එරන්ද ගිනිගේ මහතා අතර...

අද ඩොලරය

ශ්‍රී ලංකා මහ බැංකුව විසින් අද (26) දින නිකුත් කරන ලද දෛනික විනිමය අනුපාතික සටහනට අනුව එක්සත් ජනපද ඩොලරයක ගැනුම් මිල රු. 297.63ක් ලෙස...

අරක්කු මිල පහළට?

එළඹෙන සිංහල හා හින්දු අලුත් අවුරුද්දට පෙර සුරා බද්ද අඩු කළහොත් ගල් අරක්කු බෝතලයක මිල අඩු කළ හැකි බව නිෂ්පාදන සමාගම් සුරාබදු දෙපාර්තමේන්තුවට දැනුම්...