ජපානය, දකුණු කොරියාව සහ සිංගප්පූරුව සමග වන සබදතා තරකර ගැනීමට යුරෝපා සංගමය තීරණය කර තිබේ.
ඒ අනුව මෙම රටවල් සමග තාක්ෂණ, වෙළෙද සහ ආයෝජන සබදතා තරකර ගැනීමටත් ඒ සදහා නව උපාය මාර්ග සකස් කිරීමටත් යුරෝපා සංගමය සැලසුම් කර ඇති බව විදෙස් මාධ්‍ය වාර්තාවල දැක්වේ.
ආසියානු පැසිෆික් කලාපය තුළ චීනයේ ආක්‍රමණශීලි ක්‍රියා පිළිවෙත සහ ඇෆ්ගනිස්තානයේ මතුව ඇති තත්වය හමුවේ යුරෝපා සංගමය මෙම තීරණයට එළඹ ඇති බව වාර්තා වේ.
චීනය සහ යුරෝපා සංගමය අතර ඇති සබදතා මේ වනවිට උණුසුම් අතට හැරී ඇති අතර මේ හේතුවෙන් අදාළ නව උපාය මාර්ග කඩිනමින් ක්‍රියාවට නැංවීම සදහාද අවධානය යොමුව ඇතැයි විදෙස් වාර්තා වැඩිදුරටත් සදහන් කරයි.
