විදුලිබල මණ්ඩලය විදුලි කප්පාදුව අත්හිටුවා නොමැති බව විදුලිබල මණ්ඩලයේ සභාපති නලින්ද ඉලංගකෝන් මහතා පවසනවා.
ඒ මහතා පෙන්වා දෙන්නේ මණ්ඩලය විදුලි කප්පාදුව අත්හිටුවීමට එකඟ වී නොමැති බවයි.
උසස් පෙළ විභාගය අවසන් වන තෙක් විදුලි කප්පාදුව අත්හිටු වීමට නම් ඉන්ධන මිලදී ගැනීමට රුපියල් කෝටි 410ක් අවශ්යය බවයි ඔහු සඳහන් කරන්නේ.
කෙසේ වෙතත් ඊයේ (25) දිනයේ දී විදුලි කප්පාදුව අත්හිටුවන්නේ යැයි ප්රකාශ නොකළ බවද ඒ මහතා පෙන්වා දෙනවා.
සභාපතිවරයා කියා සිටින්නේ විභාගය පැවැත්වෙන දහවල් කාලයේ විදුලි කප්පාදුව සිදු නොකළත් යම් කිසි ප්රදේශයකට විදුලිය විසන්දි වුයේ නම් එය වෙනත් දෝෂයක් බවයි.
නමුත් පවතින තත්ත්වය මත රාත්රී කාලයේ විදුලි කප්පාදුව අඛණ්ඩව ක්රියාත්මක කරන බවයි ඔහු සඳහන් කරන්නේ.
ඉන්ධන නොමැතිව විදුලිය සැපයිය නොහැකි නිසා ඛනිජ තෙල් සංස්ථාව ඉන්ධන සැපයීමට එකඟ වුයේ නම් ඉන්ධන සැපයිය යුතු බවත් මහජන උපයෝගිතා කොමිසම ඒ පිළිබඳව විදුලිබල මණ්ඩලය දැනුවත් කළ යුතු බවත් ඒ මහතා කියා සිටිනවා.
මානව හිමිකම් කොමිසමේ ඊයේ (25) පැවැති සාකච්ඡාවට මණ්ඩලයේ නිලධාරීන් ද සහභාගී වූවත් එහිදී විදුලිය නොකපන බවට නිලධාරීන් එකඟ වී නොමැති බවයි සභාපතිවරයා වැඩිදුරටත් කියා සිටියේ.
කෙසේ වෙතත් ඊයේ (25) ශ්රී ලංකා මානව හිමිකම් කොමිසම නිවේදනය කළේ කොන්දේසී කිහිපයකට යටත්ව උසස් පෙළ විභාග කාල සීමාවේ විදුලිය අඛණ්ඩව සැපයීමට මානව හිමිකම් කොමිෂන් සභාවේ දී බලධාරීන් එකඟ වූ බවයි.