කලාපයේ භුදේශපාලනය පිළිබද තවත් විශේෂතාවයක් සටහන් කරමින් නේපාලයේ අග්රාමාත්ය ෂෙර් බහදුර් ඩෙයුබා අප්රේල් 1 වෙනිදා සිට 3 දක්වා ඉන්දියාවේ දෙදින නිල සංචාරයක නිරත වී තිබේ.
ජුලි මාසයේ අගමැති ලෙස දිවුරුම් දීමෙන් පසු නේපාල අගමැති ඩියුබාගේ පළමු ඉන්දීය සංචාරය මෙය වන අතර චීන විදේශ අමාත්ය වැන්ග් යී ගේ නේපාල සංචාරයෙන් සතියකට පසුව මෙය සිදුවීම විශේෂත්වයක් බව දේශපාලන විචාරකයෝ පවසති.
සංචාරයේ දී ඉන්දීය අගමැති නරේන්ද්ර මෝදී හා සාකච්ඡා කළ නේපාල අගමැතිවරයා අනතුරුව නායකයන් දෙදෙනාගේ ප්රධානත්වයෙන් පැවති නේපාලයේ ජන්ක්පූර් සහ ඉන්දියාවේ මායිම් නගරය වන ජායිනගර් අතර වන නේපාලයේ එකම දුම්රිය මාර්ගය ආරම්භ කිරීමේ අවස්ථාවට ද එක්විය.
කිලෝමීටර් 35 ක් දිග මෙම දුම්රිය මාර්ගය ඉන්දියාවේ ප්රදානයක් ලෙස ප්රතිසංස්කරණය කරන ලද්දක් වන අතර දෙරට අතර වන ජල විදුලි ව්යාපෘති කඩිනම් කිරීම සම්බන්ධයෙන් ද මෙහිදී සාකච්ඡා කෙරිණ.