ඩොලර් මිලියන 200ක මුදලක් හුවමාරු පහසුකමක් ලෙස ශ්රී ලංකාවට ලබාදීමෙන් පසු බොහෝ රටවල් තමන්ගෙන් එවැනි උදව් ඉල්ලූ බව බංග්ලාදේශ අගමැතිනී ෂීක් හසීන් මහත්මිය පවසනවා.
බංග්ලාදේශ අග්රාමාත්ය තුමිය මේ බව කියා සිටියේ එරට ඊයේ (27) පැවැති සමුළුවකට එක්වෙමින්.
එහිදී අදහස් දැක්වූ බංග්ලාදේශ අග්රාමාත්යවරිය “අපි අපේ සංචිතයෙන් ශ්රී ලංකාවට උදව් කර තිබෙනවා. ඊට පස්සේ මට රටවල් ගණනාවකින් එවැනි උදව් ඉල්ලුවා. එත් මේ වෙලාවේ අපිට ඒ වගේ උදව් කරන්න බැහැ”.
පසුගිය වසරේ මැයි මාසයේ දී බංග්ලාදේශය ශ්රී ලංකාවේ ආර්ථිකය නංවාලීම සඳහා ශ්රී ලංකාවට ඩොලර් මිලියන 200ක මුදල් හුවමාරුවක් ලබා දුන්නා.
එය බංග්ලාදේශ මහ බැංකුව සහ ශ්රී ලංකා මහ බැංකුව විසින් අත්සන් කරන ලද මුදල් හුවමාරු ගිවිසුමක් යටතේ අගෝස්තු 3 වන දින බංග්ලාදේශය විසින් ඕනෑම රටකට ලබාදුන් පළමු ණය මුදල ලෙස සැලකෙනවා.